෴...සයිබර් විකාරය..෴

සූට් බූට් දිග කලිසම් රෝල්ස් රොයිස් ගමන් බිමන්,
අද මැදුරේ හෙට පැදුරේ පිස්සු පූසා මු..
පිස්සා මු පිස්සා මු පිස්සු පූසා මු....

හ්ම්ම්..අද අපිට මේ සින්දුව ඇහෙද්දි මතක් වෙන්නේ මුලින්ම පිස්සු පූසව නෙමේ අපේ ආදරණීය ටයි මාමව..ටයිටස් තොටවත්ත..එහෙමත් නැතිනම් ටයි මාමා ක්විවුඅම ලංකාවේ දන්නේ නැති කෙනෙක් නෑ නේ..එහෙම කෙනෙක් ඉන්නවනම් ලංකවෙන් එලවන්න වටිනවා..කොහොම හරි අපිට අද කියන්න වෙල තියෙන්නේ දුක හිතෙන පනිවිඩයක්..එ තමයි අපේ ආදරණීය ටයි මාමා ඊයේ සදහටම අපි අතරින් වෙන් වෙලා ඇස් පියා ගත්තා..කලක් රෝගාතුර තත්ත්වයෙන් පසු වු ඔහු මිය යන විට අසු දෙවන වියේ පසු වුණා

අපිත් පොඩි කාලෙ බොහොම ආසාවෙන් ටයි මාමාට පිංසිද්ද වෙන්න පිස්සු පූසා, දොස්තර හොඳ හිත, හා හා හරි හාවා වගේ කාටූන් බැලුවා. මුලින්ම මතක ඇති කාලේක අපි බැලුවේ හදයා..සමහරුනම් දන්නේත් නැතුව ඇති..ටයි මාමා නොහිටින්න නැත්තන් අපි තාමත් ගෙඩි පිටින්ම ඉංගිරිස් කාටූන් බලනවා. ඒ කාලෙ හැටියට ටයි මාමා කලේ අලුත් දෙයක්. අලුත් තාක්ෂණයක් ලංකාවට හඳුන්වලා දුන්නා හඬ කැවීම කියලා. ඒ විතරක් නෙවී ඒකට සීමාවක් ඇතිව විධිමත් පාලනයකුත් ගෙනිච්චා. දැන් කාලෙ වගේ හැම මඟුලටම සිංහල කවන්න ගියේ නෑ. හිතන්න ඒ කාලෙ පිස්සුවෙන් වගේ බලපු 'රොබින් හුඩ්' හඬකවලා තිබ්බා නම්..

දැන් ඉපදෙන ළමයිනම් අපි තරම් වාසනාවන්ත නැහැ..මොකද අද මේවා නිතර නිතර දකින්න ලැබෙන්නේ නැති තරම්..අපි පොඩි කලේ ඔය දැන් ළමයි කියන අර මෑන් මේ මෑන්ලා හිටියේ නෑ..අපි හිත් වල හිටියේ දොස්තර හොද හිත , හා හා හරි හාවා වගේ කටිටිය..

ටී. ජී. එම්. ජූලියස් ද සිල්වා ගේ සහ සුජාතා තොටවත්ත ගේ ආදරනීය පුත්‍ර රත්නයක් ලෙස උපත ලද මෙතුමා ගේ මුල් කාලයේ නම "දොන් එමානුවෙල් ටයිටස් ද සිල්වා".දැන් නම් අප ඔහුව හඳුනන්නේ "ටයිටස් තොටවත්ත"කියලා නේ..නැතිනම් හැම පොඩි ළමයම දන්නවා ටයි මාමා කිවුවම.... සහෝදරියන් දෙදෙනෙක් හා සහෝදරයන් දෙදෙනෙක් මෙතුමාට සිටි අතර මොහු උපත ලබා ඇත්තේ 1929 අපේ‍්‍රල් 17 දින බොරැල්ලේ

මුලින්ම පුවත් පත් දැනවීමක් හරහා 1950 දශකයේදී පමණ චිත්‍රපට සංස්ථාවට සම්භන්ධ වී ඇති අතර ඉතාලි ජාතිකයින් පිරිසක් යටතේ තමා ටයි මාමා පුහුනුවීම් ආරම්භ කරලා තියන්නේ.. වසර 6 ක පමණ කාලයක් චිත්‍රපට සංස්ථාවට සේවය කල මෙතුමා 1956 දී එකෙන්ඉවත් වෙලා තියනවා

චිත්‍රපට සංසථාවෙන් ඉවත් වීමෙන් පස්සේ ආචාර්ය ලෙස්ටස් ජේම්ස් පීරිස් මහතා සමග එක් වී ඔහුගේ ශ්‍රේෂ්ඨසිනමා සිත්තමක් වූ "රේඛාව" චිත්‍රපටයේ සංස්කරණ ශිල්පියා ලෙස කටයුතු කරල තියනව.. වෑවල ප්‍රදේශයේ දී රූපගත කර ඇති මෙම චිත්‍රපටය සුවිශේෂී වන්නේ චිත්‍රාගරයෙන් පිට රූගත කිරීම කර ඇති මුල්ම චිත්‍රපටය නිසයි..

1965 දී චිත්‍රප​ට අධ්‍යක්ෂණයට පිවිසි මෙතුමන් අධ්‍යක්ෂණය කළ මුල්ම චිත්‍රපටය වන්නේ "චණ්ඩියා" .. මෙතුමන් අධ්‍යක්ෂණය කළ චිත්‍රපට අතුරෙන්

කවුද හරි (1969)

හාරලක්ෂය (1971)

සිහසුන (1974)

සාගරිකා (1974)

මංගලා (1976)

මේ වගේ තවත් ගොඩාක් කතා මෙතුමාගේ අත් වලින් බිහි වුනා..

දොස්තර හොඳහිත, පිස්සු පූසා, හා හා හරි හාවා, ගලිවර්ගේ සුවිසැරිය, රොබින් හුඩ්, කුංෆු, ඔෂින්, පුංචි ඉත්තෑවා, සුරඟන කතා කරළිය(පිනෝකියෝ, හිම කුමරිය, ජැක් සහ මායා බෝංචි වැල, සුරූපී විරූපී, ඇලඩින් සහ පුදුම පහන.... ), හසරැළි රසාර, පුංචි ඇත් පැටියා, ලන්ඩනයේ අතරමංව, මනුතාපය, මොන්තක්‍රිස්තෝ සිටුවරයා, යවෙස්ලූ මිනිසා වැනි ජනප්‍රිය, සදාදරණීය වැඩ සටහන් නිපදවමින් අප කුඩා කල අපව අමුතුම ලොවකට ගෙන ගිය ආදරණීය "ටයි මාමේ" ඔබට නිවන් සුව!!!


(ඇපල් ෆෝන් එකක්,අයි පෑඩ් එකක් ඇහැටවත් දැකලා නැති අය ස්ටීව් ජොබ්ස් මැරුනාම එයගේ ෆොටෝස් ප්‍රොෆයිල් පික්චර් එකට දා ගෙන "RIP Steve" කියලා ස්ටේටස් අප්ඩේට් කලා නම් ටයි මාමා වෙනුවෙන් මේක ශෙයාර් කරයි කියලා හිතනවා,මොකද ටයි මාමා හදපු කාටුන් එකක් නොබලපු එකෙක් ලංකාවේ ඉන්න බැරි නිසා)