෴...සයිබර් විකාරය..෴

අල ගෙඩි වගේ මොළ ගෙඩි වලට හරවත් රසවත් විරාමයක්...

Subscribe
Add to Technorati Favourites
Add to del.icio.us


2011 වසර දෙසැම්බර් මස 31 වැනිදායින් (අද) අවසන් වේ. හෙට එනම් 2012 පළමු දිනය ජනවාරි 1 පළවැනිදායින් ආරම්භ වේ. වසරක්‌ පිරිපුන් වීමට මාස 12 ක එකතුවක්‌ ඇත. ජනවාරි, පෙබරවාරි, මාර්තු, අප්‍රේල්, මැයි, ජුනි, ජූලි, අගෝස්‌තු, සැප්තැම්බර්, ඔක්‌තෝබර්, නොවැම්බර්, දෙසැම්බර් වශයෙන් නම් කෙරේ. මේ මාස 12 ට දින 365 ක්‌ අයත් වේ. වසර හතරකට වරක්‌ දින 366 ක්‌ ගණනය වේ. එසේ වැඩිවන දිනය පෙබරවාරි 29 වශයෙන් එකතු වේ. 2012 වසර ද එසේ වූ අධික අවුරුද්දක්‌ වේ. පෙබරවාරි 29 ඉපැදී ඇති කෙනෙකුට වසර 4 කට වරක්‌ තම උපන් දිනය සැමරීම සිදුවේ. ඔහු වසර 100 ක්‌ ජීවත් වුවත් උපන් දින 25 ක්‌ පමණක්‌ සැමරීමට සිදුවේ. පාසල් යන දරුවන් කුඩා කලදී එක්‌ එක්‌ මාසය වෙනුවෙන් දින කීයක්‌ පවතීද යන වග කවියක ලෙසින් මතකය තබා ගැනීමට හැකි කියමන් භාවිතයට යොමුව ඇත.

තිහක්‌ වේය සැප්තැම්බර් ජුනි නොවැම්බර්

ඉතිරි මාස තිස්‌ එකයි

පෙබරවාරියට විසි අටයි

අධික අවුරුද්දට පෙබරවාරියට විසි නවයයි.

මෙසේ සිහියට මතකයට නඟා ගැනීමට හැකි ජන වහරේ භාවිතයන් බොහෝ ඇත. මෙයට අදාළ නොවුණත් අට දිසාව දැන ගැනීමට වූ කෙටි භාවිතය මෙසේය.

"උපුල් ඊළඟට නැගිට ගිහින් දරුව නිදිද බලල වරෙන්" මෙම වචන වල මුල් අකුරු ගැනීමෙන් උතුර, ඊසාන, නැඟෙනහිරි, ගිනිකොන, දකුණ, නිරිත, බටහිර, වයඹ අනුපිළිවෙළකට භාවිතාවට ගැනීමට මතක තබා ගැනීම පහසුය. එසේම නැගෙනහිර ඉර උදාවන දිසාවට යොමු කිරීමෙන් අනිකුත් දිසා දැන ගැනීම පහසුය.

මෙසේ දින වශයෙන් එකතු වන එක්‌ දිනයකට පැය විසිහතරකි. එය දහවල් පැය 12 වශයෙන් සහ රාත්‍රියට පැය 12 ක්‌ වශයෙනි. මෙයට ලංකාවේ භාවිත වන්නේ ඉංග්‍රීසි පැය ක්‍රමය වශයෙනි. ඒ කුමක්‌ නිසාද අනාදිමත් කාලයක සිට ලංකාවේ අතීත ජනතාව භාවිත වූයේ දිනකට පැය හැටක්‌ වශයෙන් එය දවාලට පැය තිහක්‌ සහ රාත්‍රියට පැය තිහක්‌ වශයෙන් ය. දැනටත් තවමත් එසේ භාවිත වන අවස්‌ථාවන් අතර, නිවෙස්‌වල පිරිත් සඡ්ජායනාව පවත්වන්නේ රාත්‍රිය පුරාවට පවත්වන පරිත්‍රාණ දේශනාවට රාත්‍රි තිස්‌ පැය පුරාවටම වශයෙන් භාවිත වන්නේය.

පැයකට විනාඩි හැටක්‌ වන අතර විනාඩියකට තත්පර හැටක්‌ ලෙසින් භාවිතාවට ගැනේ. දැනට ජන සමාජයේ භාවිත වන ඔරලෝසුවක මුහුණත දැක්‌වෙනුයේ පැය දොළහක ගනයකි. එසේම පැය ගැනීම ආරම්භ වන්නේ මධ්‍යම රාත්‍රි 12 පසුවී ඊළඟ පැය නම් වන්නේ අලුයම එක වශයෙනි. එසේ ගණනය කිරීමේදී දහවල් දොළහ පසු වූ විට ඔරලෝසුවේ ඇත්තේ 1 වශයෙන් වුවද, දහතුන, දහහතර ආදී වශයෙන් රාත්‍රි 12 දක්‌වා ගණනය කරනුයේ 24 වැනි පැය වශයෙන් ය.

සූර්යයා එසේ නැතිනම් ඉර වටා ඇති ග්‍රහ වස්‌තූන්ගෙන් එකක්‌ පෘථිවියයි. සාමාන්‍ය භාවිතයේ පෘථිවිය මුළු ලෝකයම වශයෙන් හඳුන්වන්නේ මෙම ප්‍රථිවියටයි. සෑම ග්‍රහලෝකයක්‌ම තමා වටා භ්‍රමණය වීමත් එසේ නැතිනම් කැරකැවීමක්‌ සිදු වේ. අප සිටිනා පෘථිවිය එක්‌ වටයක්‌ කැරකීමට පැය විසිහතරක්‌ එසේ නැතිනම් දවසක්‌ ගත වේ. එසේ කැරකීමේදී සූර්යා දෙසට හැරෙන පැත්ත ආලෝකවත් වන නිසා දහවල් කාලය වීමත් අනිත් පැත්ත රාත්‍රි කාලය වීමත් වශයෙන් නම් කිරීම සිදුව ඇත. පෘථිවිය තමා වටේ කැරකි කැරකී සූර්යයා වටා එක වටයක්‌ යැමට දින 365.25 ක්‌ ගත වේ. ඒ අනුව වසර 4 කට වරක්‌ .25 නැතිනම් දින හතරෙන් එකක්‌ වූ එකතුව එක්‌ දිනයක්‌ සේ ගණනය කිරීමෙන් පෙබරවාරි මාසය දින 29 ක්‌ වීමත් එය අධික අවුරුද්දක්‌ වීමත් සිදු වේ.

2012 නව වසර නම් කරමින් යන්නා වූ මේ ගමනේ ආරම්භය කොතැනද? යන්න විමසා බැලීම වටී. 2012 ලිවීමට සටහන් කිරීමට පෙර ක්‍රිස්‌තු වර්ෂ 2012 එසේ නැතිනම් ක්‍රි. ව. 2012 වශයෙන් සටහන් කිරීම පවතින භාවිතාවකි. යේසුස්‌ ක්‍රිස්‌තුස්‌ වහන්සේ බෙත්ලෙහෙමේදී ගව ලෙනක ඉපැදීම දිනය මුල් කරගෙන මෙම ක්‍රි. ව. ගණනය කිරීම ආරම්භ විය. මෙම වර්ෂ භාවිතය ලොව පුරා බොහෝ රටවල ප්‍රචලිත කිරීම, භාවිතයට යොමු කිරීම සිදුවූයේ බටහිර හිරු නොබසින අධිරාජ්‍ය වශයෙන් සැලකෙන එංගලන්තයේ රාජ්‍ය පාලනයට ගොදුරු වූ බොහෝ රටවල අධිරාජ්‍ය ගැති මෙම භාවිතය පෙළ ගැස්‌සීම සිදුවිය.

අප ශ්‍රී ලංකාවේ පසුගිය වසර අතිමහත් අභිමානයෙන් සම්බුද්ධ ජයන්තිය 2600 ලබන වෙසක්‌ පුන් පෝය දක්‌වා විවිධ සිහිපත් කිරීම් අරභයා සමරු උත්සව පවත්වාගෙන යන අතර, තිලෝගුරු ශාන්තිනායක බුදුරජාණන් වහන්සේ සම්මා සම්බුද්ධත්වයට පත්වී පසුගිය වෙසක්‌ පුන් පෝය දිනට වසර 2600 ක්‌ සපිරී ඇත. එසේම බුද්ධ වර්ෂ වශයෙන් 2645 වසරක්‌ භාවිතයේ ඇත. එය ආරම්භ වූයේ දඹදිම ලුම්බිණි සල් උයනේදී, මහාමායා දේවියගේ කුසයෙන් සිද්ධාර්ථ කුමාර උත්පත්තිය සිදුවීමය. එහෙත් බෞද්ධ ආගමික ලෝකයේ සැදැහැවත් අය භාවිත කරන්නේ බුදුරජාණන් වහන්සේගේ පරිනිර්වාණය සිදු වූ වෙසක්‌ පෝය දින සිට වසර 2555 වශයෙන් (2011 ක්‍රි. ව. සාපේක්‍ෂව) භාවිතයේ පවතින්නේය. මෙය ආරම්භ වන්නේ බුද්ධ පරිනිර්මාණයෙන් වසර 223 කට පසුව ලොව එදා මෙදා තෙක්‌ බිහි වූ බලවත්ම රාජ්‍ය පාලකයා වූ චණ්‌ඩ අශෝක නමින් එදා ප්‍රචලිත වූ චණ්‌ඩ අශෝක රජතුමා කාලිංග දේශයේ යුද බලයෙන් අත්පත් කැර ගැනීමට ගියා. එම යුද්ධයෙන් දශ ලක්‍ෂයකට වඩා මිනිසුන් මිය ගියා. එම යුද්ධය නිසා චණ්‌ඩ අශෝක රජතුමා යුද්ධයෙන් සිදු වන විනාශයන් දැක විශේෂයෙන් මිනිස්‌ ඝාතන දැක කම්පා වූවා. එසේ සිටි චණ්‌ඩ අශෝක මහරජතුමාගේ නෙත ගැටුණා සත් හැවිරිදි වයසේ වූ කුඩා සාමනේර හාමුදුරුවන් මහ මඟ පිඬුසිඟා වඩිනා සන්සුන් ගමන් විලාශය (දැකීම) අහස පොළොව මෙන් වූ වෙනස්‌ වූ පරිවර්තනයක ආරම්භය වූවා.

මෙම ආරම්භය නිසා යුද්ධයෙන් අත්පත් කර ගන්නා වූ දික්‌ විජය අතහැර, බෞද්ධ දර්ශනය අනුව ධර්මයෙන් බුදු දහම ප්‍රයෝජනයට ගනිමින් ධර්ම විජය ආරම්භය සිදුවිය. මහා බල පරාක්‍රමයෙන් කටයුතු කළ චණ්‌ඩ අශෝක රජු ධර්මාශෝක නමින් මුළු මහත් ආසියාව පුරා ඇති රටවල බුදු දහම පතුරුවා හැරීමෙන් සියලු මනුෂ්‍යයන්ට සාමය උදා කර දීමට කටයුතු කළ යුගයේදී බුද්ධ වර්ෂ භාවිතය ආරම්භ විය. එසේම ශක රාජවරුන්ගේ රාජාභිෂේකයන් මුල් කරගෙන අතීතයෙහි ශක රාජ වර්ෂ ජන භාවිතයේ පැවතී ඇත. එම භාවිතය පසුගිය සියවස තුළද දැකීමට හැකිය. වර්තමානයේ දියුණු ජපන් රටේ භාවිත වන්නේද ජපන් අධිරාජ්‍යයාගේ රාජාභිෂේක ලබා ඇති අවුරුදු භාවිතයයි. ඒ අනුම මුළු ජපන් රට පුරාම භාවිතා වන්නේ හෙඉසේයි 22 වසරයි.

මේ අනුව වර්තමානයේදීත් ලෝකයෙහි වෙනත් රටවලත් විවිධ වර්ෂ භාවිතයන් ඇත. කෙසේ නමුත් ලෝකයෙහි බොහෝ රටවල ක්‍රි.ව. 2012 වසර භාවිතයට ගැනීම මුළු ලොවම එක පියස්‌සක එකම ගම්මානයක පවතින සියලු කාර්යයන්ගෙන් ළංවී ඇති වකවානුවක පොදු ජනතාවට පොදුවේ පිළිගත් දින වකවානු භාවිතයට ගැනීම වඩ වඩා පහසු වන්නේය.


2012 නව වසර උදාවත් සමගින් විශේෂයෙන් ලෝකයෙහි සියලු රාජ්‍ය නායකයන් යහපත් වූ රාජ්‍ය පාලනයන් වෙත යොමුවීම අවශ්‍යතාව කාලීන අවශ්‍යතාවන් වශයෙන් පැහැදිලි වන තීරණාත්මක අවස්‌ථාවකට පැමිණ ඇත. චණ්‌ඩ අශෝක මෙයට වසර 2328 කට පෙර එනම් බුද්ධ පරිනිර්වාණය සිදු වී වසර 2555 ක්‌ චණ්‌ඩ අශෝක රජ පාලනය ආරම්භ වූයේ වසර 227 කට පසුවය. එනිසා යුද්ධයෙන් සිදුවන මිනිස්‌ ජීවිත හානිය, දේපළ හානිය, සියලු සතා සිවුපාවුන්ට වන හානිය, සොබා දහමට වන හානිය කාලිංග දේශය අත්පත් කර ගැනීමට සිදු කළා වූ යුද මෙහෙයුමේදී දශ ලක්‍ෂයකට වඩා මනුෂ්‍ය ජීවිත හානිවීමෙන් ලබා ගත් අත්දැකීම තුළින් චණ්‌ඩ මහ රජු දික්‌විජය කිරීමට උපයෝගී කරගත් යුද්ධය සම්පූර්ණයෙන් ම අතහැර දැමුවා.

මුළු ලොවම දිනාගත හැකි මග ධර්ම විජය බව වටහා ගෙන ධර්මාශෝක මහ රජු අසූ හාරදහසක්‌ වෙහෙර විහාර ඉදිකළා. තම රජ කිරුළ රජ පරම්පරාව ගෙන යැමට සිටි දරුවන් දෙදෙනා ද සම්බුදු සසුනේ සසුන් ගත කළා. ඒ නිසාම මිහිඳු මහ රහතන් වහන්සේ සහ සංඝමිත්තා මහ රහත් තෙරණිය විසින් ශ්‍රී ලංකා ද්වීපයේ ස්‌ථාපිත කළා වූ සම්බුදු දහම එදා මෙදා තුර ශ්‍රී ලංකාවේ සුරැකී තිබෙනවා. වර්තමාන රාජ්‍ය නායකයන් විසින් ධර්මාශෝක මහරජතුමාගේ යුග මෙහෙවර ඉටු කරමින් ඇති බව මෝදුවෙමින් පවත්නා වූ දැහැමි පාලනය විදහා දක්‌වමින් පවතී.

මෙම කාලීන යුග මෙහෙවර ලොව වාසය කරන සියලු මනුෂ්‍යයන් වෙනුවෙන් ලොව පුරා සිටිනා සියලු රාජ්‍ය පාලකයන්ගේ චින්තනය පිබිදීමේ අවශ්‍යතාව මැනවින් පෙනෙන්නේ සෙසු ජනී ජනයාටය. චණ්‌ඩ අශෝක යුගයේ පැවැති යුද උන්මාදය ඇමරිකාවේ රාජ්‍ය නායකත්වයෙන් පහවී යන්නේ නම් මුළු ලොවම සාමකාමී ධර්මාශෝක යුගයක්‌ උදා වනවා නිසැකය. එය ඉටුකිරීමට නම් මෙයට වසර 2328 ක ඉතිහාසය සමගින් වූ ධර්මාශෝක රාජ්‍ය පාලන තන්ත්‍රය ඇමරිකාවේ රාජ්‍ය නායකයන්ගේ චින්තනයට යොමු දිනක චණ්‌ඩ අශෝක රජුට නිග්‍රෝධ සාමනේර හාමුදුරුවන්ගෙන් සිදු වූ අහස පොළව මෙන් වෙනස්‌ වූ පරිවර්තනයන් මුළු ලොවටම උදාවනු නිසැකය.

2012 න් උදාවන්නා වූ නවෝදය මුළු ලොවෙහිම සියලු රාජ්‍ය පාලකයන්ගේ චින්තනය නව ධර්මාශෝක චින්තනයෙන් පිබිදේවා·

මුළු ලොව යුද භීෂණයෙන් තොර වේවා·

මුළු ලොවම සාමය සෞභාග්‍යය රජ වේවා·

මුළු ලොවෙහිම නව ධර්මාශෝක යුගයක්‌ පිබිදී දස රාජ ධර්මයෙන් සියලු රටවල රාජ්‍ය පාලනය යොමුවේවා·

Tuesday, December 20, 2011

තවත් එක් ඒකාධිපතියෙක් - හිට්ලර්

ලිවුවේ Unknown

මේ ලිපිය ආරම්භ කරන්න සිතා ගෙන සිටියේ නම් මීට වඩා වෙනස් විදියට ඒ මේ සම්බන්ධයෙන් තියෙන පොත් දෙකක් පිළිබදව විස්තරද සමගයි. ඒත් ‍පොත් දෙක සොයාගන්න අද වෙලාව මදිකම නිසා ඒ ගැන වෙන දවසකට තියලා මෙම ලිපිය ලියන්න කියලා හිතුවා.

ඒකාධිපතිවාදයේ ප්‍රතිමූර්තිය කුමක්ද කියලා‍ ඇසුවොත් බහුතර‍යකගේ අදහසවන්නේ හිට්ලර් පිළිබදවයි. ඒ තරමටම හිට්ලර් පිළිබදව ලෝකය පුරාම රටවල් රාශිකම වාසය කරන්නන් තුල ඇත්තේ බියකරු මතකයක්. ඒ ගැන දොසක් කියන්නත් බැහැ. මොකද ඔහුගේ ආර්යය ජාතිය පිළිබද සංකල්පය නැතහොත් එය තවත් විස්තරාත්මකව 
"One people, One Germany, One Führer” යන සංකල්පය නිසා ඔහු මෙන්ම ඔහුගේ මඟ ගත් හිට්ලර්ගේ මිනීමරු අනුගාමිකයන් පිරිස මෙන්ම මෙම වියරු අදහස උදෙසා ලෝකයේ රටවල් ගණනාවක අහිංසක මිනිසුන් මිලියන ගණනාවකට සිය ජීවිතයෙන් වන්දිගෙවන්න වුනා සේම එයින් සිදුවූ දේපල හානියත් අතිමහත්.

මේ Life සඟරාව වෙනුවෙන්  William Vandivert නම් ඡායාරූප ශිල්පිය
සෝවියට්-ජර්මන් හමුදා සටන් කල බර්ලිනයේ එම යුද්දය අවසන් වී
සති දෙකකට  පසු ගන්නා ලද සේයාරුවකි.

Life සඟරාව වෙනුවෙන් ගන්නා ලද ඡායාරූපය එහි පල කරන ලද්දක් නොවේ‍.
මේ යුද්දයෙන් පසු බර්ලින් නගරයට ඉහලින් ගුවන් යානාවකින් ගන්නා ලද
සේයාරුවකි. මෙම නගරයට සෝවියට් ගුවන් යානා මගින් 350 වාරයකට වඩා
බෝම්බ හෙලා ඇති බව පැවසෙන අතර එයින් මියගිය සංඛ්‍යාව දසදහස්
සංඛ්‍යාවක් වෙතැයි පැවසේ.විනාශ වූ ගොඩනැගිලි සංඛ්‍යාවද අතිමහත්ය.

1933 දී නාසි යුගය ඇරඹුමත් සමගම හිට්ලර්ගේ ලෝකය යටත් කරගැනීමේ ආශාව මුදුන්පත් කරගැනීමට අවශ්‍ය සැලසුම් සම්පාදනය හා ඒවා ක්‍රියාත්මක කිරීම පියවරෙන් පියවර ආරම්භ කල අතරම ඔහු ඒ සදහා ව්‍යාජබාවයෙන් යුතු මාධ්‍ය ව්‍යාපාරයක්ද මැනවින් ක්‍රියාත්මක කරනු ලැබූවා. එහිදී ඔහු හා ඔහුගේ මාධ්‍ය ඇමතිවූ ආචාර්ය ගොබෙල්ස් ගේ එක් සිද්ධාන්තයක් වූයේ ඕනෑම බොරුවක් දිගින් දිගටම ඇසෙන්නට සැලැස්වීමෙන් එය අසන්නා එය සත්‍යයක් ලෙස විශ්වාස කිරීමට පෙළඹෙන බවයි. ඉතින් මේ න්‍යය පදනම් කරගත් ඔවුන්ගේ සන්නිවේදන ව්‍යාපාරය ජර්මනිය තුල පමණක් නොවෙයි බටහිර රටවල පවා බොරුවෙන් රවටා ගැනීමට හැකිකමක් දෙවන ලෝක යුද්දය ඇරඹීමට පෙර කාලවකවානුව වනවිටම ලබාගෙන තිබුනා. එය කෙතරම් සාර්ථකද කියතොත් ලෝකයේ රටවල් අතරින් ජර්මනිය ජීවන තත්වය උසස් හා වාසය කිරීමට සුදුසුම රටක් ලෙස මවා පෑමට රැවටුන ඇමරිකාවේ Times සඟරාව 1938 වසරේ ලෝකයේ හොදම මිනිසාට හිමි සම්මානයෙන් පවා හිට්ලර්ව පිදීමට පසුබට වුනේ නැහැ.

හිට්ලර් ජර්මනියේ තරුණ පරම්පරාව සිය අභිමතය උදෙසා මෙහෙවීම සදහා ඔවුන් කුඩා කල සිටම පාලනය කිරීමට අවශ්‍ය පියවරද ගනුලැබූවා. ඒ සදහා ඔහු විසින් එරට ගුරුවරුන්ට කුඩා කල සිටම ළමුන්ට නාසි වැඩපිළිවලටම අදාල වෙන පරිදි ඉගැන්වීම් කටයුතු කිරීමටද බලකෙරුනු ලැබුවා. ඒ අනුව කුඩා කල සිටම යුදෙව්වන්ට අවමන් කිරීමට හා ඔවුන් පහත් කොට සැලකීමට ජර්මන් දරුවන් පුරුදු පුහුණු කරනු ලැබූ අතර හිට්ලර් විසින් පිහිටුවීමට හා වසර දහසක් පුරා නොනැසී පවත්වා ගැනීමට බලාපොරොත්තුවූ තුන්වන අධිරාජ්‍ය එසේත් නැතහොත් බෙහෙවින් ප්‍රචලිත Third Reich වෙත පක්‍ෂපාතී වීමටත් ඔවුන්ව හුරුකරනු ලැබූවා. එපමණක් නොවේ. හිට්ලර් විසින් වැඩපිළිවක් ඇතිකරනු ලැබූවා තරුණ තරුණියන් වෙනුවෙනුත්. එය හැදින්වූයේ Hitler’s Youth  නමින්. එයට එරට සිටි වසර නමයට වඩා වැඩි සියළු ජර්මානු ජාතික දරුවන් ඇතුලත් කරගනු ලැබූ අතර 1936-1938 කාලයේදී එරට මිලියන 8 ක් වූ දරුවන් මෙම වැඩසට‍හනට යොමුකොට තිබුනා.

1935 දී යුදෙව්වන්ට එරෙහිව සිය ප්‍රථම නීතිය හිට්ලර් විසින් නිකුත් කරනු ලැබූවා. ඒ ජර්මනියේ වාසය කල සියළුම යුදෙව් වැසියන් එරට පුරවැසිභාවයට හිමිකම් නොකියන බවයි. එහෙමත් නැත්නම් තවදුරටත් යුදෙව්වන් ජර්මනියේ වැසියන් නොවන බවයි.එපමණකින් නොනැවතුන ඔහු යුදෙව්වන් හා ජර්මානුවන් අතර විවාහ හෝ ලිංගික එක්වීම්ද සපුරා නීති විරෝධී බවටද ප්‍රකාශයට පත්කලා.

එසේම ඔහු මෙම කාලවකවානුවේ ජර්මානු සුදු ජාතික ආර්යය තරුණියන් දහස් ගණනක් ගර්භනීභාවය ඇතිකරගැනීමට පොළඹවනු ලැබීමක්ද කරනු ලැබුවා. ඒ සදහා ඔහුගත් ක්‍රියාමාර්ගයක් වූයේ එරට තරුණියන්ට Nuremberg rally camps නම්වූ කදවුරට සහභාගී වන ලෙස නියම කරනු ලැබීමයි. ඒ එයට සහභාගීවන තරුණයන් හා එක්කොට ඔහුගේ මෙම ආර්යය ජාතීයේ ජනගහනය වර්ධනය කර ගැනීමේ වැඩපිළිවක සාර්ථක කරගැනීම පිණිසයි. කෙසේවෙතත් 1936 දී මෙම තරුණියන් අතරින් 900 ක පමණ පිරිසක් නැවත සිය නිවසට පැමිනෙන විට ගර්භනී තත්වයට පත්ව තිබූ බව කියන අතර‍ මෙම අවිවාහක තරුණ මාතාවන් හැදින්වූයේ Führer’s brides ලෙසයි.

හිට්ලර්ගේ රටවල් ආක්‍රමණයද සුවිශේෂ වූ අතර විටෙක එය සෘජුවම නොනවත්වා සිය ප්‍රහාරක බලය යෙදවීමෙන්ද, තවත් විටෙක කපටි යුද උපක්‍රම භාවිතයෙන් මෙනම තවත් විටෙක රටවල නායකයන් සිය කපටි ඥානය මගින් ගිවිසුම් ආදියෙන් මුලාකොට එම රටවල් යුද්‍දයෙන් ටිකකලක් ඈත්කොට තබා පසුව ප්‍රහාර එල්ල කොට යටත් කර ගනු ලැබූවා. විශේෂයෙන්ම රුසියානු විප්ලවයට හා ක්‍රියාකාරීව සම්බන්ධවූ, දේශපාලනයෙන් තෙම්පරාදුවී සිටි සෝවියට් දේශයේ Joseph Stalin පවා රැවටීමට හිට්ලර්ට හැකිවුනා. මුලින්ම මෙම ලෝක මට්ටමේ යුද්දයෙන්  සෝවියට් දේශය ඈත්කොට තබාගෙන තමන්ට අවශ්‍ය රටවල් යටත් කරගත්තාට පසුව අතිමහත් සම්පත්වලින් අනූන සෝවියට් දේශය යටත් කර ගැනීම පිණිස Operation Barbarossa නම් වූ මෙහෙයුම මගින් සෝවියට් දේශය යටත් කර ගැනීමේ වැඩපිළිවල ආරම්භ වූ අතර එයින් සෝවියට් දේශයට සිදූවු මිනිස් හා දේපල හානිය අතිමහත්වූවා.

එසේම යුද්දයට සම්බන්ධව එකම පතරොමක් හෝ පත්තු නොකල අහිංසකයන් මිලියන ගණනාවක‍ගේ සිරුරු ගොඩ ගැසුන මිනී කදුද එදා හිට්ලර්ගේ සිර කදචුරු තුල සුලභ දසුනක් වුනා. මෙම සිරකදවුරු තුල ප්‍රධාන වශයෙන් යුදෙව්වන්ද, කොමියුනිස්ට්වාදීන්ද, ආදී නොයෙක් සමාජ ස්ථරවල මිනිසුන් තිරිසන් ලෙස ගාල්කරන්නට එදා භාවිතා කලා.

මේ විනෝද චාරිකාවක් යන මිනිසුන් පිරිසක් නොවේ.
හිට්ලර්ගේ Buchenwald සමූහ සිරදකවුරේදී අකල් මරණයකට ලක්වූ
අහිංසක මිනිසුන් රැසක් ට්‍රක් රථයක් මත ගොඩගසා ඇති ආකාරයයි

මේ ඔබ සිතන්නේ ජර්මනියේ හොදම ‍බේකරියේ උදුන් කියාද?
නැත. ‍මේ Buchenwald සමූහ සිරකදවුරේ මිය ගිය මිනිසුන්ගේ දේහ
පුළුස්සනු ලැබූ උදුන්ය.

මෙම පින්තූරය ගැන තවත් විස්තර අවශ්‍යද?

1939 සිට 1945 දක්වා දෙවන ලෝක යුද්දය පැවති අතර මුල් කාලයේ සීඝ්‍රගාමී ආකාරයෙන් හා සාර්ථකව රටවල් යටත් කර ගනිමින් යුද්දයේ වාසිය ජර්මනිය පැත්තට තිබුනත් පසුව ඇමරිකාව යුද්දට සම්බන්ධවීම, සෝවියට් දේශයේ අංශක ඍන අගයක් ගන්නා ශීත ඍතුවට මුහුණදීමට සැලසුමක් නොතිබීම හා පසුබැස සිටි සෝවියට් හමුදාවන්ගේ ‍ධෛර්යය වැඩිදියුණුවී කෙසේ හෝ ජර්මානුවන්ට  ස්ටාලින්ග්‍රෑඩය යටත් කරගන්නට ඉඩ‍ නොදීමේ තිරඅදිටනින් යුතුව සටන්කොට එතැනින් පසුව ජර්මනිය නැගෙනහිර යුදපෙරමුනෙන් සෝවියට් දේශය වෙතින් පරාජයට ලක්වීම ඇරඹිමත්, යුද පෙරමුනේ සටන් වැදුන අත්දැකීම් සපිරි ජර්මන් ජනරාල්වරුන්ගේ නිර්දේශවලට හා යුද සැලසුම් වලට වඩා හිට්ලර් තමන්ගේ මතයන්වල අත්‍තනෝමතික ලෙස එල්ඹ ගෙන සිටිමත් සහ තවත් හේතු ගණනාවක් නිසා ජර්මනියේ ජයග්‍රහණය ක්‍රමයෙන් දුරස්වන්නට විය.


තමන්ගේ සිහිනය ජයග්‍රහණය කරන්නට, එසේත් නැත්නම් වසර දහසක් පුරා නොනැසී පවතින ආර්යය අධිරාජ්‍ය බිහිකිරීම කෙසේවෙතත් පරාජයේ අදුරු සෙවනැලි පෙනෙන්නට වූ කල හිට්ලර්ගේ හමුදාවේ ඉහල නිලයන් දැරූ නිළධාරීන් සමහරක් පැනයන්නටත්, තවත් සමහරක් සියදිවි නසා ගන්නටත්, තවත් පිරිසක් මිත්‍ර පාර්ශවයට භාරවෙන්නටත් වුනා. කෙසේවෙතත් තමන් නොසෑහෙන්න හිරිහැර කල සෝවියට් හමුදාවන්ට හසුවී වදවේදනා විදිනවාට වඩා සියදිවි නසා ගැනීම සැපක් ලෙස සැලකූ හිට්ලර් ඒ අයුරින් සිය දිවි තොර කර ගැනීමටත් අවසානය දක්වා ඔහු සමග සිටි ඔහුගේ පෙම්වතිය හා මිය යාමට ඔන්න මෙන්න තබා තිබියදී සිය බිරිද බවට පත්වූ Eva Braun ද සිය ස්වාමියාව අනුගමනය කරමින් වෙඩි තබාගැනීමෙන් සිය ජීවිතය තොරකරගත් අතර හිට්ලර්ගේ අභිමතය පරිදි සිරුරවත් හතුරාට හසුනොවන්නට ඔහුගේ බංකරය අසලදීම සිරුරු ගිණිතබා විනාශකරන ලදි.

මේ හිට්ලර්ගේ අවසන් දින කිහිපය ගෙවූ බංකරය ඇතුලත
දුර්ලභ සේයාරුවක්ය. මෙවැනි සේයාරූ බොහෝමයක් ප්‍රසිද්ධ නොකරන ලද බවද පැවසේ.

සෝවියට් සොල්දාදුවන්ගේ පරීක්‍සාවට ලක්වන්නේ හිට්ලර් හා
ඔහුගේ බිරිද ඊවා බ්‍රවුන් සියදිවි හානිකරගත් අවස්ථාවේ
වාඩිවී සිටි සෝපාවයි. මෙහි ලේ තැවරී ඇති ස්ථානයේ  සිට ඇත්තේ ඊවා බ්‍රවුන් බව සැකලකේ.
තවත් දුර්ලභ හා ‍ප්‍රසිද්ධ නොකෙරුන සේයාරුවක් වන මෙහි මොවුන්
පරීක්‍ෂාකරන්නේ හිට්ලර් හා ඔහුගේ බිරිද මියගිය පසු
පෙට්රල් දමා ගිණිතැබූ ස්ථානය බවට සැලකේ.

මේ එදා පුවත් පත් හිට්ලර් මිය ගිය පුවත වාර්තා කල ආකාරයයි
.





කතාවක් තිබේ. එනම් සෝවියට් හමුදා බර්ලිනයට ඇතුළුවන විට ඔවුන්ගේ සොල්දාදුවන්
බොහෝමයක් අත් ඔරලෝසු පැලද සිටි බවයි. මෙහි අරුමයක් තිබේදැයි ඔබ සිතන්නට 
පුළුවන. මෙයයි එයට හේතුව එකල එම හමුදාවේ අත් ඔරලෝසු පැලද සිට ඇත්තේ ඉහලම නිලවල 
හමුදා නිලධාරීන් පමණක් බව පැවසේ. ඉතින් එම හමුදාවේ සොල්දාදුවන්ට අත් ඔරලෝසු ලැබී ඇත්තේ ඔවුන් අල්ලා ගන්නා ලද හෝ මරාදමන ලද ජර්මානුවන් පැලද සිටි ඒවා බව පැවසේ. එම කරුනේදී  එම හමුදාවද "අහිංසක"  ෙනාවූ බව පවසන්නට සිදුවන්නේ මෙහි දැක්වෙන හිට්ලර්ගේ බංකරය තුල තිබෙන වටිනා හා අතේ ගෙන යා හැකි සියල්ලක්ම පාහේ ඔවුන් ගෙන ගිය නිසාය.

ලෝකයේ බොහෝමයක් දෙනා මෙතුවකට පහලවූ නරකම ඒකාධිපතියා ලෙස හිට්ලර් ගැන සිතුවත් ඔහුට ලැබී ඇත්තේ වෙනත් පාලකයන් දෙදෙනෙකුට නොලැබුන තැනක් බව අන්තර්ජාලයෙන්ම ලැබුන මෙම පින්තූරයෙ ඇති.


Sunday, December 18, 2011

නොමිලේ - FREE

ලිවුවේ Unknown

හහා..අද ගෙනාවා කස්ටියට තවත් පට්ට අයිටම් එකක්...

ඔයාලා දැකල ඇති නේ යූ ටියුබ් එකේ කට්ටිය ටියුටෝරියල් එහෙම කරද්දි ස්ක්‍රීන් එක රෙකෝඩ් කරලා දාලා තියනවා..

ඉතින් ඔන්න ඔය වැඩේ මෙයාලා කරන්නේ මේ භාන්ඩේන්..

ඔයාලට පුලුවන් ස්කයිප් වීඩියෝ කෝල් රෙකොඩ් කරන්නත් මේ විඩියට..

මේකේ තවත් වැඩ කිඩ ගොඩක් තියන්වා...රෙකෝඩ් කරයින් පස්සේ ඔයාලට එඩිට් කරන්න

එහෙමත් පුලුවන් කම තියනවා..







ඔයාලම බලන්නකෝ හොදද නැද්ද කියල අරගෙනම...සීරියල් කී එකත් එක්කමයි ඕං දෙන්නේ..

Monday, December 12, 2011

නැනෝවෙනුත් කෙලවෙයිද?

ලිවුවේ Unknown

ලෝකයේ අධික අවධානයක්‌ යොමු වෙමින් පවත්නා නැනෝ අංශුවලින් ඇති විය හැකි පාරිසරික හා සෞඛ්‍යමය බලපෑම් සම්බන්ධව අප මේ විමසුම ඔස්‌සේ මින් පෙර ද සාකච්ඡා කර තිබේ. (බලන්න ජගත් පරිසර විමසුම, විදුසර 2011 ජනවාරි 5 හා ජුනි 22). එහෙත් මේ හා සම්බන්ධව මෑත කාලයේ දී වාර්තා වූ ඇතැම් පර්යේෂණ වාර්තාවලින් හෙළිවන වැදගත් කරුණු කිහිපයක්‌ පිළිබඳව ද සටහනක්‌ තැබීම යෝග්‍ය බව සිතමු.


නැනෝ අංශු පෙනහලුවලින් අක්‌මාවට

ඩීසල් ඉන්ධනවල කාර්යක්‌ෂමතාව ඉහළ නැංවීම සඳහා යොදාගන්නා සීරියම් ඔක්‌සයිඩ් (CeO2) නම් රසායන ද්‍රව්‍යයේ නැනෝ පරිමාණයේ අංශු සතුන්ගේ පෙනහළුවලට එක්‌ වීමෙන් පසුව අක්‌මාවට ගමන් කළ හැකි බව මෑත දී ප්‍රකාශයට පත් එක්‌ අධ්‍යයනයකින් පෙන්වා දී තිබේ.

මීයන් යොදාගනිමින් සිදුකරන ලද මේ අධ්‍යයනයේ දී අනාවරණය වී ඇති ආකාරයට නැනෝ අංශුවලට නිරාවරණය වූ සතුන්ගේ අක්‌මාවේ සීරියම් සාන්ද්‍රණය ඉහළ ගොස්‌ ඇත. මේ නිසා අක්‌මාවේ නිපදවනු ලබන එන්සයිම ආදියේ වෙනස්‌වීම් දැකිය හැකි වී තිබේ. ඒ අතර ඇලනයින් ට්‍රාන්ස්‌ඇමයිලේස්‌ මට්‌ටම ඉහළ යැම ඇල්බියුමින් මට්‌ටම අඩු වී, සෝඩියම්-පොටෑසියම් අනුපාතය අඩු වීම, ට්‍රයිග්ලිසරැල්ඩිහයිඩ් මට්‌ටම පහළ යෑම වැනි දේ නිරික්‌ෂණය කර තිබේ. එසේම අක්‌මාවේ බර අඩුවීමථ යාකෘතික ප්‍රමාණයෙන් විශාල වීම හා කණිකාමය ද්‍රව්‍ය සාන්ද්‍රණය වීම පිළිබඳ විවිධ වෙනස්‌කම් ද ඇති වී තිබේ. මේ අනුව පර්යේෂණයේ අවසන් නිගමනය වන්නේ සීරියම් ඔක්‌සයිඩ් නැනෝ අංශු ඉහළ යාම නිසා අක්‌මාවට හානි සිදුවන බව ය.

සීරියම් ඔක්‌සයිඩ් යනු විවිධ කාර්යය කිහිපයක්‌ සඳහා යොදාගන්නා ද්‍රව්‍යයකි. නිදසුනක්‌ ලෙස වීදුරු දර්පණ ඔප දැමීමට රූපවාහිනී තිර නිපදවීමට හා කාච නිපදවීමට මේ රසායන ද්‍රව්‍යය යොදාගැනේ. එහි නැනෝ පරිමාණ අංශු වාහන ඉන්ධන ආකලනයක්‌ ලෙස යොදා ගැනෙන්නේ එන්ර්න් කාර්යක්‌ෂමතාවය වර්ධනය කිරීම සඳහා හා අංශුමය ද්‍රව්‍ය විමෝචනය වීම අඩු කර ගැනීම සඳහා ය. මේ කරුණු දෙකම ඉන්ධන සඳහා මෙන්ම පාරිසරික වශයෙන් යම් වැදගත්කමකින් යුක්‌ත බව ද සැලකිය යුතු වේ. (මූලාශ්‍රය( International Journal
of Nanomedicine, DOI: 10.2147/IJN.S25119)

හරිත ඇල්ගාවලට නැනෝ අංශුවලින් බාධා

මිනිසුන් විසින් භාවිත කරන නැනෝ අංශුවල තවත් පාරිසරික බලපෑමක්‌ මෑත දී වාර්තා විය. ඒ අනුව කාබන් නැනෝටියුබ වර්ගයේ නැනෝ අංශු පරිසරයට එක්‌ වීම නිසා හරිත ඇල්ගීවලට විෂ සහිත බලපෑමක්‌ ඇති නොවූවත් ඉන් හරිත ඇල්ගා වර්ධනය සඳහා වන අවකාශය හා ආලෝකය පිළිබඳ ගැටලූ ඇති වේ.

ජලාශ හා ජල මාර්ගවලට එක්‌වන කාබන් නැනෝටියුබ මගින් මෙවැනි තත්ත්වයක්‌ ඇති විය හැකිය. ඇල්ගී විශේෂ දෙකක්‌ යොදාගනිමින් රසායනාගාර පරීක්‌ෂණ මගින් සිදුකරන ලද මේ අධ්‍යයනයේ දී උක්‌ත නැනෝ අංශු මගින් හරිත ඇල්ගාවල ප්‍රභාසංස්‌ලේෂණ වේගයේ අඩුවීමක්‌ සිදු නොකරන නමුත් වර්ධන වේගය අඩු කළ බව පෙනී ගොස්‌ ඇත. ඊට හේතු සෙවීමේ දී හෙළි වී ඇත්තේ කාබන් නැනෝටියුබ අධික වීම නිසා හරිත ඇල්ගී හා කාබන් නැනෝටියුබ එකිනෙකට ලංව ගොමු සෑදීම හා සෙවණ සහිත ස්‌වභාවය නිසා ආලෝකය ලැබීම අඩු වීම මීට හේතු වන බව ය. මේ අනුව කාබන් නැනෝ ටියුබ සාන්ද්‍රණය ලීටරයකට මිලි ග්‍රෑම් එකක්‌ පමණ දක්‌වා වැඩි වුවහොත් නිසා ඇල්ගී එකිනෙකට ලංව ඇසිරී පිහිටීම (පිණ්‌ඩනය වීම) හා සෙවන වීම නිසා හරිත ඇල්ගීවලට ලැබෙන ආලෝකය අඩු වීමක්‌ සිදුවන බව නිගමනය කර තිබේ. වාසනාවකට මෙන් මෙවැනි සාන්ද්‍රණයක්‌ තවමත් පරිසරයේ දැකීම අසීරු ය.

ඉතා කුඩා හා ඉතා සැහැල්ලූ මේ නැනෝ අංශුවල ඇති විවිධ ප්‍රයෝජනවත් ලක්‌ෂණ නිසා ඒවා විවිධ කාර්ය සඳහා පුළුල්ව යොදා ගනු ලැබේ. ඉහළ ආතන්‍යභාවය, ඉතා දැඩි බව හා අධික සන්නායකතාවය මෙවැනි ලක්‌ෂණ අතර වේ. අධික ලෙස භාවිතයට ගැනීමත් සමඟ පරිසරයට එක්‌ වන කාබන් නැනෝටියුබ වර්ගයේ අංශු ප්‍රමාණය ද ඉහළ යයි. (මූලාශ්‍රය( Environmental Science & Technology, DOI:
10.1021/es200506b)

මේ කරුණු පිළිබඳව විමසා බැලීමේ දී අපට පෙනෙන්නේ නැනෝ හෙවත් නිනිති තාක්‌ෂණය භාවිත කිරීම බොහෝ සැලකිල්ලෙන් කළ යුතු බවයි. ප්‍රායෝගික වශයෙන් එහි ඇති වැදගත්කම නිසා නැනෝ තාක්‌ෂණය භාවිතයට ගත යුතු වේ. එහෙත් ඉන් ඇතිවිය හැකි අහිතකර බලපෑම් පිළිබඳව අවධානයෙන් පසුවීම හා තවදුරටත් පර්යේෂණ පැවැත්වීම ද ඉතා වැදගත් වේ.

ඩර්බන් දේශගුණ සමුළුවේ සිදු වන්නේ කුමක්‌ද?

මේ වන විට දකුණු අප්‍රිකාවේ ඩර්බන් හි දී වාර්ෂික ජගත් දේශගුණ සමුළුව පැවැත්වෙමින් තිබේ. මේ සටහන තබන මොහොත වන විටත් ලැබෙන පුවත්වලට අනුව මේ දක්‌වා තීරණාත්මක අංශවල සිදු වූ සැලකිය යුතු ප්‍රගතියක්‌ දැකිය නොහැකි තරම් බව පෙනේ.

මෙහි දී ඇති වූ වැදගත් වර්ධනයක්‌ වන්නේ දේශගුණ වෙනස්‌ වීම හා සම්බන්ධව නෛතික වගකීමක්‌ ඇති ගිවිසුමක්‌ කඩිනමින් ඇති කර ගත යුතු බවට රටවල් රැසක්‌ විසින් ඉල්ලා සිටීම ය. දුප්පත් රටවල් හා කුඩා දූපත් රාජ්‍ය විසිකන් ඉල්ලා සිටියේ වසරක්‌ තුළ ගිවිසුමක්‌ ඇති කර ගත යුතු බව ය. එය සියලූ රටවල් ආවරණය වන එකක්‌ විය යුතු බව ලෝකයේ දුප්පත්ම රටවල් විසින් පෙන්වා දී ඇති බව පෙනේ. මේ රටවල් දේශගුණ වෙනස්‌වීමේ අහිතකර ප්‍රතිවිපාක ලබන රටවල් වීම මීට හේතුව වේ. ඒ සඳහා හේතුව ලෙස ඔවුන් දක්‌වා සිටියේ ප්‍රමාද කිරීමට තරම් කාලයක්‌ නොමැති වීම ය. කෙසේ වෙතත් ඔවුන්ගේ මේ මතය ඇතැම් දියුණුවෙමින් පවත්නා රටවල් එකඟ නොවීමට අවස්‌ථාවක්‌ තිබේ. විශේෂයෙන් වේගවත් කාර්මීකරණයක්‌ ඇති රටවල් වන ඉන්දියාව, චීනය හා බ්‍රසීලය වැනි රටවල් මීට එකඟ නොමැති රටවල් සේ සැලකේ. එහෙත් ඉන්දියාව මේ පිළිබඳව එතරම් දැඩි විරෝධයක්‌ දක්‌වා නොමැති බවක්‌ වාර්තා විය. චීනයෙන් ලැබෙන ආරංචි මාර්ගය පෙන්වා දෙන්නේ 2020 වර්ෂයෙන් පදුව එ රට විමෝචන අඩු කිරීමක්‌ සිදු විය හැකි බව ය. එහෙත් එය තීරණය වන්නේ එරට සංවර්ධනය මත බවක්‌ පෙනෙන්නට තිබේ. මේ අතර යුරෝපා සංගමයේ රටවල් පළමු දිනයේ දී ප්‍රකාශ කර තිබුණේ කිසියම් ගිsවිසුමක්‌ 2015 වර්ෂයේ දී සකස්‌ කළ යුතු බවත්a 2020 වන විට එය ක්‍රියාත්මක වී තිබිය යුතු බවත් ය.

අනෙක්‌ වැදගත් කරුණ වන්නේ කියෝටෝ සන්ධානයේ දෙවැනි අදියරක්‌ පිළිබඳව වන සංවාදයයි. කැනඩාව වැනි ඇතැම් රටවල් සමුළුවේ දී මේ සඳහා තමන්ගේ ඇති අකමැත්ත විවෘතව පළ කර ඇත. ජපානය පවසා තිබුණේ කියෝටෝ සන්ධානය අලූත් කිêම පමණක්‌ ප්‍රමාණවත් නොවන බව ය. ඔවුන්ගේ අදහස අනුව මේ සඳහා සියලූ ප්‍රධාන පෙළේ විමෝචකයන්ගේ දායකත්වය ලබා ගත යුතු වේ. කෙසේ වෙතත් එක්‌සත් ජාතීන්ගේ දේශගුණ බලධාරීන්ගේ අදහස වන්නේ දියුණු රටවල් දෙවැනි අදියරක්‌ සඳහා තම විමෝචන සීමා කිරීමේ ඉලක්‌ක පිළිබඳව යම් අදහසක්‌ පළකරනු ඇති බව ය.

මේ අතර ජගත් මට්‌ටමේ ජනමාධ්‍යවල ඩර්බන් සමුළුව පිළිබඳව ඇති උනන්දුව අඩු වීම කැපීපෙනෙන කරුණක්‌ වී තිබේ. ඊට සහභාගි වන මාධ්‍යවේදීන් ප්‍රමාණය ද අඩු ව ඇති බවක්‌ වාර්තා විය. මෙයින් පෙනෙන්නේ ලෝකයේ මේ පිළිබඳ අවධානයේ අඩුවීමක්‌ ද නැතහොත් මේ මාධ්‍ය සියල්ලම පාහේ දියුණු රටවල් පදනම් කරගත් මාධ්‍ය නිසා සිදුවූවක්‌ ද යන්න මඳක්‌ විමසා බැලිය යුතු කරුණක්‌ වේ.

ඇට්‍රාසීන් මගින් ඇති වන ගැටලූ

ලෝකයේ රටවල් රැසක විශාල වශයෙන් භාවිත වන කෘෂි රසායනික ද්‍රව්‍යයක්‌ වන ඇට්‍රාසීන් (Atrazine) නම් රසායනික ද්‍රව්‍යය නිසා සතුන්ගේ ප්‍රජනන පද්ධතිය ආශිත ගැටලූ ඇති විය හැකි බව සමාලෝචනයක්‌ මගින් හෙළි වී තිබේ.

මෙහි දී හෙළි වී ඇති පරිé මත්ස්‍යයන්, උභය ජීවීන්, උරගයන් හා ක්‌ෂීරපායින් යන සත්ත්ව කාණ්‌ඩවල එක හා සමාන ආකාරයේ ප්‍රජනන ගැටලූ ඇති වී තිබේ. මෙවැනි එක්‌ බලපෑමක්‌ වන්නේ පිරිමි සතුන් තුළ ගැහැනු ලක්‌ෂණ මතු වීම ය. අන්තරාසර්ග පද්ධතියට බලපෑම් කරන ඇට්‍රාසීන් මගින් වැඩෙන පිරිමි සතුන්ගේ ප්‍රජනන පටකවලට බලපෑම් සිදුකිරීම නිසා මෙවැනි තත්ත්වයක්‌ ඇති වේ. මේ වාර්තාව ලෝකයේ කලාප රැසක මේ රසායනික ද්‍රව්‍යය පිළිබඳව සිදුකරන ලද අධ්‍යයන සමාලෝචනය කරමින් මේ වාර්තාව සකස්‌ කර තිබේ. (මූලාශ්‍රය( The Journal of Steroid Biochemistry and Molecular Biology, DOI: 10.1016/j.jsbmb.2011.03.015)

වනාන්තර කැබැලි වුවත් පාරිසරික වශයෙන් වැදගත්

වනාන්තර කැබලිකරණය වීම හෙවත් කුඩා කොටස්‌වලට වෙන්ව හුදෙකලා වීම ඒවායේ ජෛව විවිධත්වයට තර්ජනයකි. මෙය වර්ෂා වනාන්තර සම්බන්ධව බරපතළ තත්ත්වයක්‌ වන්නේ අධික ජනගහනයක්‌ සහිත මේ රටවල වනාන්තර දැඩි සේ තර්ජනයට ලක්‌ව ඇති නිසා ය. එහෙත් වනාන්තර කැබලිකරණය වූ පමණින් ඒවායේ පාරිසරික ක්‍රියාකාරිත්වය අඩු නොවන බව පසුගියදා ප්‍රකාශයට පත් අධ්‍යයන වාර්තාවක්‌ අනුව පෙනේ.

කෙන්යාවේ වසර ගණනාවක්‌ තිස්‌සේ සිදුකරන ලද අධ්‍යයනයක ප්‍රතිඵලයක්‌ ලෙස මේ වාර්තාව පළ වී තිබේ. ඒ අනුව සතුන්ගේ සම්බන්ධයක්‌ ඇතිව සිදුවන බොහෝ පාරිසරික ක්‍රියාකාරිත්ව කැබලිකරණය වූ වනාන්තරවල වෙනස්‌කම් සහිතව වුවත් අඛණ්‌ඩව සිදුවන බව පෙනී ගොස්‌ තිබේ. වියෝජනය, පරාගණය හා බීජ ව්‍යාප්තිය වැනි ක්‍රියාවලී ස්‌ථාවර තත්ත්වයක පැවතී තිබේ. මේ අනුව මිනිසුන්ගේ බලපෑම් සීමා සහිත වන්නේ නම් කැබලිකරණය වූ වනාන්තරයක පාරිසරික ක්‍රියාකාරිත්වය ඉන් අඩු නොවන බව පෙනේ. එහෙත් මේ තත්ත්වය දිගු කාලීන වශයෙන් විමසා බැලිය යුතු ව ඇත. මේ අධ්‍යයනයෙන් පෙනෙන්නේ ඇතැම් විට අමතක කර ඇති කුඩා ප්‍රමාණයේ හුදෙකලා වූ වනාන්තර සංරක්‌ෂණය කිරීමේ ඇති වැදගත්කමයි. (මූලාශ්‍රය( PLoS ONE, DOI: 10.1371/journal.pone.0027785)

බේයර් සමාගම ජාන විකරණය නොකළ තිරිඟු ප්‍රභේදයක්‌ සොයයි

ඉදිරි වසර දහයක කාලය තුළ ජාන ඉංජිනේරු තාක්‌ෂණය යොදා නොගනිමින් උෂ්ණත්වයට හා නියඟයට ඔරොත්තු දෙන තිරිඟු ප්‍රභේද නිපදවීමට සැලසුම් කරන බව ජර්මනියේ ප්‍රධාන පෙළේ කෘෂි සමාගමක්‌ වන බේයර් සමාගම පවසා තිබේ. ලැබෙන වාර්තාවලට අනුව ඒ සඳහා සාමාන්‍ය අභිජනන ක්‍රම යොදා ගන්නා බව පෙනෙන්නට තිබේ.

මේ සඳහා එක්‌ හේතුවක්‌ වන්නේ යුරෝපා රටවල් අතර ජාන වෙනස්‌ කළ ආහාර වර්ගවලට ඇති විරෝධය බව පෙනේ. මේ නිසා රටවල් ගණනාවක්‌ ජාන විකරණය කරන ලද භෝග වර්ග වගා කිරීම තහනම් හෝ සීමා කර හෝ තිබේ. කෙසේ වෙතත් මින් අදහස්‌ වන්නේ අදාළ සමාගම උක්‌ත තාක්‌ෂණයෙන් ඈත්වන බව නොවේ. ඉහත කරුණු අනාවරණය කරමින් ඔවුන් පවසන්නේ යුරෝපා රටවල් ජාන ඉංජිනේරු තාක්‌ෂණයෙන් නිපද වූ ආහාර පිළිබඳ ඇති බිය අත්හළ යුතු බව ය.



රාවනා චරිතය බොහෝ දෙනෙකු හදුනා ගන්නේ
,රාවනයන්ගේ "දඩු මොණර" යන්ත්‍රය මගිනි.එය මහා රාවනයන්ගේ අහස් යාත්‍රව හෙවත් ගුවන් යානයයි.මහා රාවනයන් විසින් එය නිපදවනු ලැබුවේ ලෝක ප්‍රකට රයිට් සහෝදරයන් උපත ලබන්නට වසර 6000කට එපිටය. එකල ලක්දිව වාසය කළ "හෙළයන්" ,වර්තමානයේ පවා ළගා විය නොහැකි අධි තාක්ෂණයක් අත්පත් කර ගෙන සිටි බවට මෙයින් සදහන් නොවන්නේ ද? රාවනයන් මෙම අහස් යාත්‍රාව මගින් මහා භාරතයට පවා ගොස් ඇත.ඒ අහසිනි. නමුත් රාවනා සමග යුද්ධයට පැමිණි රාමාගේ හමුදාව මෙරටට පැමිණ ඇත්තේ පා ගමනින් ය. ඒ සදහාද ඔවුනට ඉන්දියාවත් ,oකාවත් යා කෙරෙන ,කිලෝ මීටර 30ක් තරම් දැවැන්ත පාලමක්,දැඩි කැපවීමකින් යුක්තව,විශාල ශ්‍රමයක් වැය කරමින්,දවස් ගණනාවක් වැය කරමින් තනන්නට සිදු විය.මෙයින් සනාථ වන්නේ එකල ඉන්දියාවේ පවා මෙවන් තාක්ෂණයක් නොතිබූ බවයි.



මෙම අහස් යාත්‍රා පිළිබදව, රාවනා රජ දවස ,සමකාලීන ශිෂ්ටාචාරයක්ව තිබූ "බැබිලෝනියන්" ශිෂ්ටාචාරයෙන් වාර්තා වේ.ලෝකයේ පැවති පැරණි ශිෂ්ටාචාර අතරින් "බැබිලෝනියන් ශිෂ්ටාචාරය" වැදගත් ශිෂ්ටාචාරයකි.පැරණි පුදුම හතට අයත් "එල්ලෙන උයන" මෙම ශිෂ්ටාචාරයට අයත් එකකි.එය "එල්ලෙන මාළිගාව" ලෙසද හදුන්වයි.අපේ පැරණි මිනිසුන් අතීත තොරතුරු ශිලා ලේඛන වල සටහන් කළා සේ ,මොවුන් ඒවා මැටි පුවරු(CLAY TABLETS) වල සටහන් කර තැබූහ.එම මැටි පුවරු වල සදහන් වන කරුණු අතර ඔවුන්ට "එල්ලෙන උයන සහ නගර සැලැස්ම ගොඩ නැගීමට උපකාර කළේ ,අහසින් පැමිණි සිoහ මිනිසුන් බවත්,එය ඔවුන්ගේ රටේ "සිහගිරි" නම් ස්ථානයේ සැලසුම අනුව ගොඩ නගා ඇති බවත්" සදහන් වේ.මෙම ප්‍රකාශය 1998දී HISTORY CHANNEL නාලිකාවෙන් ප්‍රසිද්ධ කරන ලදී. ඉහත කරුණු මෙසේ පෙළ ගැස්වූ විට නිගමනය වනුයේ මෙයින් කියවෙන්නේ රාවනයන් සහ ඔහුගේ අහස් යාත්‍රාව පිළිබදව නොවේද....??????
සිoහ මිනිසුන් ;- සිoහ නමින් සිoහලයන් සහ හෙළයන්ව හදුන්වයි

සිහගිරි ;- සීගිරියට කියන තවත් නමකි

අහසින් පැමිණි;- දඩුමොණරය (රාවනා රජ දවස අහස් යාත්‍රා )

ඉහතින් සදහන් කළ බැබිලෝනියන් මැටි පුවරු වල සිoහ මිනිසුන් සහ රාවනා රජුගේ දඩු මොණරයට සමාන අහස් යාත්‍රා වල රූපද ඇත. එමෙන්ම "බැබිලෝනියන් ශිෂ්ටාචාරය" හැරුනු කොට මේ හා සමාන වූ, සමකාලීන ශිෂ්ටාචාරයක් වූ "මිසර" ශිෂ්ටාචාරයේ ද පිරමීඩ වල අහස් යාත්‍රා වල රූප සටහන් වේ. ඒද රයිට් සහෝදරයන් උපත ලැබීමට වසර 6000කට පෙර ය.එමෙන්ම අනිකුත් සටහ ඔස්සේ අප සාකච්ඡා කළ කරුණු මෙසේ පෙළ ගැස්වූ විට,

බැබිලෝනියන්,මිසර,සුමේරියන් ශිෂ්ටාචාර = තාරකා දොරටු = අහස් යාත්‍රා වල රූප






ඒවා අතර යම්කිසි සම්බන්ධතාවක් ඇති බව පෙනී යයි.ඇතැම් විට මෙවන් අහස් යාත්‍රා වල තාක්ෂණය හෙළයන් විසින්, තාරකා දොරටු මගින් ,අනිකුත් සමකාලීන ශිෂ්ටාචාර වලට යන්නට ඇත.ඇතමුන් රාවනා යනු සාමාන්‍ය මිනිසෙකු නොව,වෙනත් චක්‍රාවාටයකට අයත් ග්‍රහ ලොවක සිට මෙලොවට පැමිණි අයෙකු ලෙස හැදින්වීමට උත්හස ගනුයේ එය නිසා විය හැක.ඔහු තම ගුවන් යානාව උපකාරයෙන් වෙනත් වෙනත් ග්‍රහ ලෝකවල ,අහසේ සිට යුද්ධ කළ අයෙකු ලෙසද පැවසේ.මෙවන් කරුණු පිළිබදව විස්තර අන්තර්ජාලය පුරාවටම ඇති බැවින් ඔබද ඒවා අධ්‍යනය කිරීම වටින්නේ ය.පහත ඇත්තේ අන්තර්ජාලයේ FACEBOOK වෙබ් අඩවියෙ "මහා රාවන්" නම් වෙබ් පිටුවකින් ගත් ඡායාරූප පෙළකි.








මිට වසර දහස් ගණනකටත් පෙර ඇට්ලාන්ටිස් අවට සිදු වූ විශාල යුද්ධයක් පිළිබදව තොරතුරු හමු වී ඇත.ඒ සදහාද විශාල ගුවන් යානා කිහිපයක් යොදා ගෙන ඇති අතර පරමාණු සහ විකිරණශීලී අවි ආයුධ යොදා ගෙන ඇත.උගතුන් මෙය පිටසක්වල ජීවින් අතර පැවති සටනක් ලෙස ප්‍රකාශ කරත් ,"මහා රාවනා" චරිතය කරලියට පිවිසීමත් සමග මෙය රාම -රාවනා යුද්ධය බවට ප්‍රකාශ කිරීමට උත්සහ ගත්හ.මහා රාවනයන්ටද ගුවන් යානා සහ විකිරණශීලී අවි ආයුධ තිබූ බැවින් ,ඇතැම් විට එය එසේ විය හැක.මෙවන් ගුවන් යානා තාක්ෂණයක් පිළිබදව විස්තර ඇති පැරණි ග්‍රන්ථ රැසක් ඉන්දියාවෙන් හමු වී ඇත.ඒ ග්‍රන්ථ වල රාවනයන්ගේ අහස් යාත්‍රාව පිළිබදවද තොරතුරු රැසකි.ගුවන් යානා වල කටු සටහන් සහ සැලසුම්ද ඇතුළත් වේ.එම ග්‍රන්ථ වලින් ඇතැමක් තවමත් පරිවර්තනය කර නැත.

ග්‍රන්ථයේ සදහන්ව ඇති පරිදි ඔවුනට මනුෂ්‍යන්ව වෙනත් ලෝක වලට පවා, එම අහස් යාත්‍රා මගින් ප්‍රවාහනය කිරීමේ හැකියාව තිබී ඇත.පෘතුවියේ සිට සදට යා හැකි සැලසුම පවා වසර දහස් ගණනකට පෙර ලියවුනු එම ග්‍රන්ථවල ඇතුළත් ය.එමෙන්ම රාමායනයේ ඇති පරිදි මෙවැනි අහස් යාත්‍රා "විමාන" යන නමින් හදුන්වනු ලබයි.එමෙන්ම මෙවන් "විමාන" ඔස්සේ සදට ගිය චාරිකාවක් පිළිබදව රාමායනයේද ඇතුළත් වේ.එසේ ගොස් කළ ආක්‍රමණයක් පිළිබදවද ඇත.පැරණි ඉන්දීය ග්‍රන්ථවල ඇති ලෙස විමානයක් යනු තට්ටු 2කින් යුක්ත, වෘතාකාර ,මාළිගාවක් වැනි අහසින් ගමන් කළ හැකි අහස් යාත්‍රාවකි.




එය සුළගේ වේගයෙන් ,කනට මිහිරි ශබ්දයකින් යුක්තව ගමන් කරයි.විමාන වර්ග 4කි.එව්වාද විවිධ හැඩයන්ගෙන් යුක්ත වේ."වයිමාණික්‍ය ශාස්ත්‍ර" නම් ඉන්දියාවෙන් හමු වූ තවත් පැරණි කෘතියකින්ද මෙවැනිම කරුණු සදහන් වේ.විමාන උපකාරයෙන් ආරක්ෂිත දුර ගමන් යා හැකි බවත්,විමාන හසුරවන ආකාරය පිළිබදව විමානය ඇතුළත සටහන් කර තැබූ බවත්, කුණාටු සහ අකුණු ගැසීම් මග හැර ගමන් කළ හැකි බවත්, නිදහස් ශක්තිය හා සූර්යය ශක්තිය උපකාරයෙන්ද ගමන් කළ හැකි බවත්,ගුරුත්වාකර්ෂණයෙන් බාධාවක් නොවන බවත් සදහන් වේ.මෙම ග්‍රන්ථයේද අහස් යාත්‍රා පිළිබද කටු සටහන්,සැලසුම් සහ පින්තූර ඇතුළත් ය.විමාන වර්ග 3ක් පිළිබදව මෙහි සදහන් වේ.මෙය නිපදවීමට ගනු ලබන අමු ද්‍රව්‍ය 47ක් පිළිබදව මෙහි දැක්වේ.මෙම යානාවලට හෙලිකොප්ටරයක් මෙන් අහසේ රැදී සිටීමටද හැකියාව තිබී ඇත.




තවද එම කෘතියේ ඇති තොරතුරු අනුව විමාන නවතා තබනුයේ "විමාන ග්‍රිහ" (විමාන ගිරිය විය යුතුයි ) නම් ස්ථානයකයි.තවද සුදු කහ පැහැති දියරයක්, විමාන ක්‍රියා කර වීමට යොදන බව පැවසේ.විද්වතුන් මෙය "ගැසොලින්" විය හැකි බවට සැක පහළ කරයි.විමානයක එන්ජින් වර්ග කිහිපයක් ඇත.

2 වන ලෝක යුද්ධ සමයේදී ජර්මානුවන් ඉන්දියාවේ සහ ටිබෙටයේ "විමාන" ගැන සදහන් වන ග්‍රන්ථ පරිහරනය කරමින්, එහි සදහන් විමාන වල සැලසුම් සහ ආකෘති අධ්‍යනය කරමින් නවීන පන්නයේ ගුවන් යානා නිෂ්පාදනය කර යුද්ධය සදහා යෙදවීය.ඔවුන් එම ග්‍රන්ථ වල තිබූ විස්තර සොරා ගත්හ.ජර්මානුවන්ගේ එම ක්‍රියා කලාපය පිළිබදව වැඩි තොරතුරු දැන ගැනීම පිළිබදව පහත පින්තූර 2 CLICK කරන්න.




විමානයකට ඉස්සරහට,පසුපසට,දකුණට,වමට,උඩට සහ යටට ගමන් කිරීමේ හැකියාව ඇත.විමානයක් බැලූ බැල්මට යකඩ යන්ත්‍රයක් බදු ය.ඉතාමත් සිනිදු ය.වර්තමානය වන විට පෙර කී ඇට්ලාන්ටිස් ශිෂ්ටාචාරයට අමතරව මොහොන්දජාරෝ ශිෂ්ටාචාරය පිළිබදවද සැක පහළ වේ. ඒ රාමාගේ රාජ්‍යට යටත් වූ නගරයක් ලෙස තිබූ බවට කිය වෙන ඵලකයක් නිසා ය.එමෙන්ම "ඊස්ටර් දිවයින් ප්‍රතිමා" ඇති ප්‍රදේශය රාමාගේ/රාවනාගේ යානා නැවැත් වූ තොටුපොළ ලෙස හැදින්වීමටද උගතුන් පෙළබෙයි.ඒ පෙර කී මොහොන්දජාරෝ ශිෂ්ටාචාරයෙන් හමු වූ ඵලකට සමාන ඵලකක් එම දූපතෙන්ම සොයා ගත් නිසා ය.එම යෝධ ප්‍රතිමාද වසර දහස් ගණනකට පෙර නිමවූ ඒවා වන අතර අහස දෙස බලා සිටින්නෙ ය.



තවද ඉතා අරුම පුදුම විස්තරයක් පිළිබදව අන්තර්ජාලයේ www.world-mysteries.com වෙබ් අඩවියෙන් සොයා ගන්නට හැකි විය.එය ඒ අයුරින්ම පහත දැක්වේ.

එමෙන්ම තවත් ඉන්දියානු පොත් වල විමානවල විවිධ හැඩ තිබූ බවත් , "අහ්නිහෝත්‍රා" නම් විමානයේ එන්ජින් 2ක් තිබූ බවත්, "හස්ති විමාන" නම් විමානයේ එන්ජින් වර්ග රැසක් තිබූ බවත් ,අනිකුත් සතුන්ගේ නම් වලින්ද විමාන කිහිපයක් තිබූ බවත් දැක්වේ. නමුත් විමාන වැඩි වශයෙන් යොදා ගෙන ඇත්තේ යුද්ධ කටයුතු සදහා ය.( ඇට්ලාන්ටිස් අවට යුද්ධය ). ඇතැම් විමාන වල එන්ජින්වල බලය අශ්ව බල 80 000කි.මහා භාරතයේද විමාන පිළිබදව කියවෙන අපූරු කවියකි.

"...(the weapon was) a single projectile

charged with all the power of the Universe.

An incandescent column of smoke and flame

As bright as the thousand suns rose in all its splendor...

An iron thunderbolt,

A gigantic messenger of death,

Which reduced to ashes

The entire race of the Vrishnis

And the Andhakas.

... the corpses were so burned

As to be unrecognizable.

The hair and nails fell out;

Pottery broke without apparent cause,

And the birds turned white.

... After a few hours

All foodstuffs were infected...

... to escape from this fire

The soldiers threw themselves in streams

To wash themselves and their equipment..."






දැවැන්ත අවි ආයුධ? විශාල හමුදාවක්? විමාන රැසක්? මහා භාරතය මේ පවසන්නේ පරමාණු යුද්ධයක් පිළිබදව නොවේද? තවද මෙවැනි විමාන පිළිබදව සදහන් වේද ග්‍රන්ථ උපකාරයෙන් ,රයිට් සහෝදරයන් ගුවන් යානාව නිපද වීමට අවුරුදු 8කට පෙර "තල්පදේ" නම් ඉන්දියානුවෙකු විසින් ගුවන් යානාවක් නිපදවා ඇත.එදවස පැවති බටහිර බලවේග විසින් මෙය නැවැත්වූ අතර 1916 වන විට ,රයිට් සොහොයුරන්ටත් පෙර ගුවන් යානාවක් නිපදවූ "තල්පදේ" මිය යන ලදී.මෙය නිපදවීමට මොහු පැරණි වේද ග්‍රන්ථ ඇසුරින් විමාන වර්ග රාශියක් පිළිබදව අධ්‍යනය කළේය.එන්ජිම සදහා ම'කරි යොදා ගැනිනි.

එම යාත්‍රාව අඩි 1500ක් උඩට ගත හැකි විය.
එමෙන්ම මහා ඇලෙක්සැන්ඩර් අධිරාජ්‍යයා ,ඉන්දියාවට ආක්‍රමණයක් එල්ල කරන විටද අහසින් පැමිණි ගුවන් යානා කිහිපයක් ඔවුන්ට පහර දී ඇති බවට වාර්තා වේ.තවත් විමාන පිලිබදව කියවෙන පැරණි ග්‍රන්ථයක විමානයක් සෑදිය හැකි ක්‍රම 32ක් පිලිබදව කියවෙයි.ඒවා සූර්යය බලයෙන් ක්‍රියා කරයි."සිෆ්‍රලා' නමැති කෘතියක මෙයට යොදන ආම්පන්න පිලිබදව ,පිටු 100ක දීර්ඝ විස්තරයක් ඇත.එමෙන්ම තවත් කෘතියක මෙවැනි විමානවල එන්ජින් ,භෞතික විද්‍යාවේ හදුන්වන "අයන" ආධාරයෙන් ක්‍රියා කරවා ඇති අතර නූතනයේ මෙම ක්‍රමය "රොකට්" සදහා "නාසා" ආයතනය යොදයි.තවත් ඉපැරණි වේද ග්‍රන්ථයක,විමාන සදහා යෙදූ "ම'කරි" එන්ජින් වර්ගයක් ගැන කිය වේ.වෘතාකාර රාමුවක,මෙම ම'කරි එන්ජිම යොදන අතර සූර්යය ශක්තිය ආධාරයෙන් ම'කරි යෙදූ තවත් බොයිලේරුවක් යානය මැදට යොදයි.උණු වෙන ම'කරි මගින් යානය ක්‍රියාත්මක වේ. සැලැස්මට අනුව ම'කරි දමන බදුන් 4ක් ඇත.ඒවා ඉතා ශක්තිමත ය.මෙහි විකාශනයක් ලෙස අවසාන කාල වලදී විමාන විදුලි බලයෙන් පවා ධාවනය කර ඇත."සමරන්ගන සූත්‍රදර" නම් ග්‍රන්ථයක සදහන් වන්නේ විමානයේ "ඇග" කොටස කුරුල්ලෙකුගේ ශරීරය මෙන් සැහැල්ලුවට නිපදවයි.ඇතුළත පෙර කී ම'කරි එන්ජිමකි.













මෙවන් විශාල විමාන නවතා තැබීමට ටිබෙටයේ හෝ ආසියාවේ මැද කොටසේ විශාල බින් ගෙවල් තිබූ බවට විද්වතුන් විශ්වාස කරයි.චීනයද "හදුනා නොගත් ආකාශ වස්තූන්" පිලිබදව පැරණි ඉතිහාසයක් තිබෙන රටකි.තවත් ග්‍රන්ථවල පෙර කී ලෙසම විමාන යොදමින් අහසේ සිදු කෙරුනු බිහිසුණු සටන් පිලිබද විශාල විස්තර රැසක් වාර්තා කර ඇත.මොහොන්ජදාරෝ හරප්පා සභ්‍යත්වය අවට සෑම තැනකම තිබූ විසිරුණු ශරීර කොටස් සහ සමූහ ඝාතනය කොට එක තැනකට දමා තිබූ මළ මිනී ,කැපුම් සහිත හිස් කබල් හමු වී ඇත.එම හිස් කබල්වල විකිරණශීලී ද්‍රව්‍ය රැදී තිබූ බැවින් මෙහි දැවැන්ත සටනක් සිදු වී ඇති බවට විද්වතුන් තරයේ ප්‍රකාශ කරයි.එම සිදු වීම "හිරෝශිමා" සහ "නාගසාකි" අවට ප්‍රදේශවල සිදු වූ පිපිරීමට වඩා දැවැන්ත එකකි. විමාන සදහා ශක්තිමත් රෝද තිබූ බවත්, විමානවල "මිසයිල" සවි කර තිබූ බවත්,මාරාන්තික අවි ආයුධ ගබඩා කර තිබූ බවත්,ඇතැම විමානවල තිබූ "මිසයිල" බොත්තම එබූ පමණින් ඕනෑම දුරක සිටින සතුරන් වෙත එල්ලවෙන බවත් "මහා භාරතය" නම් ග්‍රන්ථයේ ඇත.





තවත් කෘතියක මෙසේ සදහන් වේ ;- "Gurkha flying in his swift and powerful Vimana hurled against the three cities of the Vrishis and Andhakas a single projectile charged with all the power of the Universe. An incandescent column of smoke and fire, as brilliant as ten thousands suns, rose in all its splendour. It was the unknown weapon, the Iron Thunderbolt, a gigantic messaenger of death which reduced to ashes the entire race of the Vrishnis and Andhakas."




මෙම කරුණු වලින් "විමාන" යනු සැබෑවක් බවත් ,මහා රාවනයන්ට තිබූ "විමානය"ද සැබෑවක් බවත් සනාථ වේ.විමානයක් යනු මිත්‍යා මතයක් නම්,අසත්‍යක් නම් ,මෙවැනි විශ්වාසයක් වසර 6000කටත් වඩා වැඩි කලක් කට කතා සහ ජනප්‍රවාද ඇසුරෙන් ,අඛන්ඩව පැවත ඒමට බැරිය. "බොරුවට ආයුෂ කෙටි වීම" ඊට හේතුවයි.එමෙන්ම ඉන්දියානුවන් රාමාටද එවැන්නක් තිබූ බවට උදම් අනන්නට උත්සහ කරයි.සෑම පැරණි ඉන්දියානු කෘතියකම ඉන්දියානුවන්ටද විමාන තිබූ බව දැක්වේ. එය අමූලික බොරුවකි.එසේ නම් රාමා හමුදාව මෙරටට විමාන වලින් නොපැමිණ ,විශාල පාලමක් ඉදි කළේ මන්ද? විමාන සහ රාවනා පිලිබදව ලියවුණු ග්‍රන්ථ අප රටේ නොතිබීම මීට හේතුව වන අතර එසේ තිබුනේ නම් ඉතිහාසය තවත් වෙනස් වනු ඇත.කෙසේ හෝ වේවා රාවනයන්ට විමාන තිබූ බව මින් සනාථ වේ.



උපුටාගැනීම - එල කිරි වෙබ් අඩවියෙන්

Thursday, December 8, 2011

පන්සිය පනස් ජාතකය

ලිවුවේ Unknown

කට්ටියටම අයුබෝවන්ඩ කිවුවා අදත්...ඕං මම අවා අද තවත් දෙයක් අරගෙන..

ලංකාවේ ඉන්නේ බහුතරයක් බුද්ධාගමේ කට්ටිය නේ...බලන්න කීයෙන් කී දෙනාද පන්සිය පනස් ජාතක පොත කියවලා තියෙන්නේ....

ඉතින් මම අද අරන් ආවේ ඔන්න ඔය හැමෝටම..දන්නේ නැති අයටයි අනිත් අයටයි දෙගොල්ලොන්ටම..පන්සිය පනස් ජාතක කථා ටික..

ඔයාලගේ පරිගනකවලට බගත කරන්න පුලුවන් විදියට මම පහල දීල තියන ලින්ක් වලින් ගන්න

 



 

ඔයාලගේ අදහස් කියලා යන්නත් අමතක කරන්න එපා

එහෙමනං අපි ගියාවේ..

Sunday, December 4, 2011

කියවලම බලන්න..

ලිවුවේ Unknown

හැමොටම අයුබෝවන් කිවුවා ...අද ටිකක් දුක දවසක්..දන්න කියන කෙනෙක්ට ජිවිතේ ජරාම ජරා ලෙඩක් උන පිළිකාවක් හැදිලා....හ්ම්...ඉතින් අද මම කියන්න හිතුවා පිළිකා ගැන..පිළිකාවක් හැදුන කෙනෙක්ට,පිළිකාවක් හැදුන පවුලෙ කෙනෙක් ඉන්න/හිටපු අයට, පිළිකාවක් හැදුන යාලුවො ඉන්න/හිටපු කෙනෙක්ට, පිළිකාවක් හැදුන කෙනෙක්ගෙ වේදනාව දකින/දැකපු කෙනෙක්ට මේක කියවද්දි කම්මැලි හිතෙන එකක් නෑ......ඔයාලගේ වටිනා කාලයෙන් චුටක් ඉඩක් අරන් කියවල යන්න..


1.)සෑම පුද්ගලයෙකුගේම සිරුරේ පිළිකා සෛල ඇත. නමුත්, ඒවා බිලියන ගණනක් දක්වා වර්ධනය වන තුරු දැනට කෙරෙන පරීක්ෂා වලින් හඳුනා ගත නොහැක.ප්‍රතිකාර වලින් පසු වෛද්‍යවරයා පිළිකාව ඉවත් වී ඇති බව පැවසුවහොත්, එහි අදහස, තිබෙන පිළිකා සෛල උපකරණ වලට හසුවීමට නොහැකි තරම් අඩු ප්‍රමාණයකට පත්ව ඇති බව පමණි.

2.)මිනිසෙකුගේ ජීවිත කාලය තුල, සිරුරේ 6 වාරයේ සිට දස වාරයකට වඩා, පිළිකා සෛල හටගනී.

3.)ශක්තිමත් ප්‍රතිශක්තීකරණ පද්ධතියක් ඇති විට, එය පිළිකා සෛල වර්ධනය අඩපණ කර, ඒවා විනාශ කර, අසාමාන්‍ය සෛල වර්ධනයන්(TUMORS) වලකයි.

4.)යමෙකුට පිළිකාවක් වැලඳී ඇත්නම්, එයින් අදහස් වන්නේ ඔහුට හෝ ඇයට පෝශණ ඌනතාවයක් ඇති බවයි. මෙය පාරම්පරික හෝ පාරිසරික හෝ ආහාර හෝ ජීවන රටාව නිසා විය හැක.

5.)පෝශණ ඌනතාවයෙන් වැලකීමට නම්, ප්‍රමාණවත්, සමබර, ප්‍රතිශක්තීකරණ පද්ධතිය ශක්තිමත් කරන සංඝටක අයත් ආහාර වේල් 4ක් 5ක් ගැනීමට සැලකිලිමත් වන්න.

6.)කීමො තෙරපි(CHEMOTHERAPY) මගින් ඉතා වේගයෙන් වර්ධනය වන පිළිකා සෛල විනාශ කරනු ලබන අතරම, ඇටමිදුලු වල, අන්ත්‍රයීක කොටස් වල ඉතා වේගයෙන් වර්ධනය වන නිරෝගී සෛලද විනාශ කරයි. මෙය අක්මාව, හෘදය, වකුගඩු, පෙනහලු ආදී අවයව අක්‍රීය කිරීමටද හේතු වේ.


7.)මෙහිදී සිදුවන විකිරණ ක්‍රියාවලිය මගින් පිළිස්සුම්, කැළැල් සහ පටක හානි, නිරෝගී සෛල හානි හා ඉන්ද්‍රියන් හානි සිදු කරයි.

8.)කීමෝ තෙරපි ප්‍රතිකාර වල මූලික අවධියේදී, එයින් පිළිකාවේ විශාලත්වය සෑහෙන දුරට අඩු කරයි. නමුත්, දීර්ඝ කාලීනව ගත් කල, එයින් පිළිකාවට වැඩි බලපෑමක් සිදු නොකරයි.


9.)කීමෝ තෙරපි ප්‍රතිකාර වලදී සිරුරට ඇතුලු වන විශ ප්‍රමාණය, පමණ ඉක්මවා ගිය විට, ප්‍රතිශක්තීකරණ පද්ධතිය අකර්මර්ණය වීම හෝ විනාශ වීම සිදුවේ. මෙවිට, රෝගියා විවිධ ආසාදන වලට හා ව්‍යාකූල භාවයන්ට ගොදුරුවීම සිදු වේ.

10.)කීමෝ තෙරපි හා විකිරණ ප්‍රතිකාර මගින් පිළිකා සෛල වෙනස් කම් වලට ලක්වී ප්‍රතිකාර වලට යටත් නොවන තත්වයකට පත්වී, විනාශ කිරීමට නොහැකි තරම් බලවත් වේ. සැත්කම් මගින් පිළිකා ඉවත් කිරීමෙදීද, පිළිකා සෛල ශරීරයේ වෙනත් ස්ථාන කරා ව්‍යාප්ත වීමේ දැඩි අවදානමක් ඇති කරයි.
11.) පිළිකාව මර්ධනය කිරීමේ සාර්ථකම මාර්ගයක් වන්නේ, පිළිකා සෛල වර්ධනයට අවශ්‍යය සංඝටක සහිත ආහාර වලින් වැලකී සිටීමයි.

පිළිකා සෛල වර්ධනයට උපකාරී වන ආහාර වර්ග

a.) සීනි වෙනුවට ඇති Equal, Nutrasweet, spoonful හා වෙනත් කෘතිම ආදේශක වර්ග නිශ්පාදනය කරන්නේ ඇස්පර්ටේම්(ASPERTAME){C14H18N2O5} නම් වූ විශ සහිත ඊස්ටරයකිනි.මෙය ශරීරයට අහිතකරයි.මේ කෘතිම ආදේශක වෙනුවට ස්වභාවික මී පැණි, උක් පැණි සුළු වශයෙන් භාවිතා කිරීම සුදුසුයි.
මේස ලුණු සුදු පැහැ ගැන්වීම සඳහා යොදන රසායනිකයත් පිළිකා වර්ධනයට උපකාරී වේ. මේස ලුණු වෙනුවට මුහුදු ලුණු, BRAGG'S AMINO යොදා ගැනීම සුදුසුය.

b.) කිරි, සෙම් හා ශ්ලේෂ්මලය ආදිය නිශ්පාදනයට ඉවහල් වේ (විශෙෂයෙන් ආමාශ, ආන්ත්‍රයික කලාප වල ). පිළිකා සෛල වර්ධනයට අත දෙන දේවල් අතර සෙම්, ශ්ලේෂ්මල, ප්‍රධාන තැනක් ගනී. මේ නිසා, කිරි වෙනුවට රසකාරක නොයෙදූ සෝයා කිරි භාවිතය පිළිකා සෛල නැසීමටඉතා සුදුසු වේ.

c.) පිළිකා සෛල, ආම්ලික මාධ්‍යයන් වලදී ශක්තිමත්ව වර්ධනය වේ. මාංශමය ආහාර වේලක් යනු ආම්ලික ගුණය ඉහල ආහාර වේලකි (විශෙෂයෙන් හරක් මස්, ඌරු මස්, එළු මස් වැනි බර මාංශ වර්ග ආම්ලික ගුණය ඉහල මාංශ වර්ගයන්ය ). මේ නිසා මස් වෙනුවට මාලු වර්ග, කුකුල් මස් වැනි මාංශ සුළු වශයෙන් ගැනීම සුදුසුය. මීට අමතරව, මස් වර්ග වල, ශරීරයට අහිතකර (විශෙෂයෙන් පිළිකා රෝගීන්) භූගත ප්‍රතිජීවක(LIVESTOCK ANTIBIOTICS), වර්ධක හෝමෝන වර්ග (GROWTH HORMONES) හා පරපෝශිතයන් (PARASITES) අඩංගු වේ.

d.) ආහාර වේලක 80%ක් නැවුම් එළවලු හා යුෂ වර්ග, ධාන්‍ය හා ඇට වර්ග, කුඩා පළතුරු වර්ග වලින් සමන්විත නම්, ඒවා මගින් ශරීරය ක්ෂාරීය මාධ්‍යයකට (ALKALINE ENVIRONMENT) හරවයි. ඉතිරි 20% සඳහා බෝංචි වැනි පිසින ලද ආහාර යොදාගත හැක. නැවුම් එළවලු යුෂ මගින්, සිරුරට පහසුවෙන් උරාගන්නා සජීවී එන්සයිම වර්ග සපයයි. මෙම එන්සයිම වර්ග, විනාඩි 15ක් වැනි සුළු කාලයකදී සෛලීය ස්ථර වලට ගොස්, නිරෝගී සෛල පෝශනය කිරීමත්, වර්ධනය කිරීමත් සිදු කරයි. මෙම එන්සයිම ලබා ගැනීම සඳහා නැවුම් එළවලු යුශ (නොමේරූ එළවලු ) පානය කිරීමත් නොපිසින ලද එළවලු වර්ග දිනකට 2, 3න් වතාවක්වත් ආහාරයට ගැනීමත් කල යුතුයි. එන්සයිම වර්ග සෙල්සියස් 40ට වැඩි උෂ්ණත්ව වලදී විනාශ වී යන බව ඔබ දැනගත යුතුයි.

e.) කැෆේන්(CAFFEINE) නම් රසායනිකය අඩංගු ආහාර වන තේ, කෝපි හා චොකලට් වලින් හැකිතාක් ඈත් විය යුතුයි. ග්‍රීන් තේ(GREEN TEA), මේ වෙනුවට ඇති හොඳම ආදේශකයයි. ග්‍රීන් තේ වල පිළිකා මර්ධක ගුණ අඩංගු වේ.
පානීය ජලය භාවිතයේදී, පිරිසිදු කරන ලද ජලය හෝ හොඳින් පෙරන ලද ජලය(FILTERED WATER) යොදාගන්න. මෙමගින් සාමාන්‍ය නළ ජලයේ ඇති බර ලෝහ හා විශ ද්‍රව්‍ය ඉවත් කෙරේ. ආස්‍රත ජලය(DISTILLED WATER) ආම්ලික බැවින් බීමට නුසුදුසුය.

12.) මාංශ ජනක ප්‍රෝටීන වර්ග දිරවීමට අපහසු අතර දිරවීමේ ක්‍රියාවලිය සඳහා ජීරක එන්සයිම විශාල වශයෙන් අවශ්‍ය වේ. නොදිරන ලද මාංශ කොටස් බඩවැල් තුල රැඳී නරක් වීම නිසා සිරුරට එක් වන විෂ ප්‍රමාණය ඉහල යයි.

13.) පිළිකා සෛල බිත්ති වල ශක්තිමත් ප්‍රෝටීන වැස්මක් ඇත. මේ නිසා මාංශ වර්ග වලින් වැලකීම මගින් මෙම ප්‍රෝටීන බිත්ති බිඳ හෙලීම සඳහා වැඩි එන්සයිම ප්‍රමාණයක් නිදහස් කර, සිරුරේ ආරක්ශක සෛල මගින් පිළිකා සෛල විනාශ කිරීමට උදවු කරයි.

14.) ආහාර මගින් සිරුරට ලැබෙන සමහර සංඝටක ( IP6, FLOR-SSENCE, ESSIAC,ඔක්සිකරණය වලක්වන විටමින් C වැනි සංඝටක, විටමින් වර්ග, ලෝහ වර්ග, EFAs, etc), ශරීරයේ ප්‍රතිශක්තීකරණ පද්ධතිය ශක්තිමත් කර සිරුරේ ආරක්ශක සෛල විසින් පිළිකා සෛල විනාශ කිරීමට උපකාරී වේ. විටමින් E වැනි අනෙකුත් සංඝටක මගින්, විනාශ වූ හෝ අනවශ්‍ය හෝ භාවිතා නොවෙන සෛල සිරුරෙන් ඉවත් කිරීමේ ක්‍රියාවලිය (APOPTPSIS) ශක්තිමත් කිරීම සිදු කරයි.

15.) පිළිකාව යනු, සිතේ, ගතේ හා අධ්‍යාත්මයේ ඇතිවන රෝග තත්වයකි. උද්යෝගීමත් හා ධනාත්මක අධ්‍යාත්මික ශක්තියක් තිබීම, පිළිකාව නැමැති රණශූරයා, පණ නළ ගැට ගහගැනීමට වෙර දරන මරණාසන්න වූවෙකුගේ තත්වයට ඇද දැමීමට හේතු කාරක වේ.. ක්‍රෝධය, වෛරය, සමාව නොදීම හා දොම්නස් ස්වභාවය ඔබේ සිරුර පීඩා කාරී, ආම්ලික මාධයකට ඇද දමයි. මේ නිසා, ආදරණීය හා දයාන්විත අධ්‍යාත්මයක් තබා ගැනීමට උත්සාහ කරන්න. නිස්කලංක ජීවිතයක් ප්‍රීතියෙන් භුක්ති විඳීමට ඉගෙන ගන්න.

16.) පිළිකා සෛල වලට ඔක්සිජනීකරණය වූ වටපිටාවක ශක්තිමත් වීමට නොහැකිය. දිනපතා ව්‍යායාම හා ගැඹුරු ආශ්වාස ප්‍රාශ්වාස කිරීම් මගින් සිරුරේ සෛල වලට වැඩිපුර ඔක්සිජන් ප්‍රමාණයක් ලබා දීමට බෙහෙවින් උපකාරී වේ. ඔක්සිජන් චිකිත්සාව (OXIGEN THERAPY) පිළිකා සෛල විනාශ කිරීමට යොදා ගත හැකි තවත් ආකාරයකි.

තවත් වැදගත් කරුණු කීපයක්......

(i) මයික්‍රොවේව් අවන් එකේ කෑම පිස ගැනීමේදී, ප්ලාස්ටික් භාජන වල යෙදූ ආහාර යොදා නොගන්න.

(ii) වතුර බෝතල් අධිශීතකරණය තුල තබන්න එපා.

(iii) ප්ලාස්ටික් ආවරණ(ඉටිකොල, සිලිකවර ආදිය ) වල දැමූ ආහාර මයික්‍රොවේව් එක තුලට දමන්න එපා.

Johns Hopkins විද්‍යාඥයින් මෙම කරුණු ලෝකයා හමුවේ තැබුවේ මෑතකදීය. ඔවුන් සඳහන් කරන ආකාරයට පිළිකාව සඳහා ඇති හොඳම ප්‍රතිකාර ක්‍රමය වන්නේ එහි වර්ධනයට අවශ්‍ය කරන දේවල් වලින් වැලකීමයි..



විස්තර උපුටා ගන්නා ලදි..

ඔයාල දන්න දෙයක් තියෙනම්  කියල යන්න..එ වගෙම ප්‍රාර්ථනාකරන්න මේ ලෙඩේ කටවත් හැදෙන්න එපා කියලත්..

නැවත හමුවෙනතුරු..



Thursday, December 1, 2011

ගුවන් පොජ්ජේන් ගිය අපේ ඇත්තෝ

ලිවුවේ Unknown



වරිගෙ ඇත්තන් ගැන ලෝක පොජ්ජට කතාදාන්න මංගච්චපු දවස් පොජ්ජෙ තමයි මේ ඇත්තෝ ඉස්සරම උඩතැනින් මංගච්චණ දඬු කැච්චක මං ගැච්චුවෙ.

ඉස්සරින්ම නං ඇහිරුකුලට මන්දො කරන කොට බය පොජ්ජක් තිබෙව්වා. මං ගච්චන කොට බිම් පොජ්ජට පට ඇරගෙන මන්දොවෙයිද? මොන එකක් මන්දො වෙයිද කියල.

ඇතුල් තැනට මංගච්චලා රදව්වා. මංගච්චන්න සූදානම් පොජ්ජ මන්දො වෙනකොට තව පොච්ජික් බය පොජ්ජ මන්දොඋනා.

තරමක් ඇහිරුකුලට මන්දො කරනකොට මේ ඇත්තො විතරක් කොදොයි. කට්ටි පොඞ්ඩක් ඉඳිනවානෙ එතකොට බය පොජ්ජ කොදව්වුණා. මියබෙට දමනව නම් කට්ටි පොජ්ජමනේ”

”අපේ රටේ ආදිවාසියකු (වැද්දෙකු) ගේ ප‍්‍රථම ගුවන් ගමන පිළිබඳව එසේ සිය අත්දැකීම විස්තර කළේ දඹානේ ආදිවාසී නායක ඌරුවරිගේ වන්නියල ඇත්තන්ය.

උඩින් ගිය අපේ රටේ ප‍්‍රථම ආදිවාසියා ඔහු වෙයි.

මං ඉස්සෙල්ලාම ගුවන් යානයක් දැක්කේ එදා. නේපාල් ආදිවාසීන් මුනගැසීම සඳහා යන්න ගුවන් යානයට නැග්ගා. ඒක ඇතුලට යනකොට ලොකු බයක් දැනුනා.

කොහේ යනවද මොනව වෙනවද කියල හිතාගන්න බැරිවුණා. උඩයනකොට මේක කඩාගෙන බිමට වැටෙයිද? කියල මහ බයක් තිබුණා. එක පාරට ගැස්සිලා ගියා. මං ඇස්දෙක පියාගත්තා. හැබැයි ටිකක් උඩට යනකොට හිතුනා මං විතරක් නෙවෙයිනේ. මැරෙනවානම් මේ ඇතුලෙ ඉන්න ඔක්කොම මැරෙනවානේ කියලා. උඩට ගියාට පස්සේ මොනවා වෙනවද කියල තේරුනේ නැහැ.

මාර්ග උපදේශක උරන් විවේකා කියන ස්වීඩන් කාන්තාව එයා ඒ රටේ ආදිවාසි පරපුරක කෙනෙක්. එයා තමයි එකින් එක කියල දුන්නේ. ගුවන් යානයේ සීට්වල වාඩිවෙන්නෙ කොහොමද? දෙන කෑම කන්නෙ කොහොමද? එයා කියන විදියට අපි හැසිරුනා.

ආදිවාසී නායකයා ගුවනින් ගිය විදේශ සංචාර ගණන දෙකකි. ඒ හුදෙක් විනෝද සංචාර නොවේ. තම වරිගේ ඇත්තන් මුහුණ පාන ගැටලූ පිළිබඳව මේ රටේ ඇත්තන්ට අවුරුදු ගණනාවක් තිස්සේ තම පියාණන් වූ ඌරුවරිගේ තිසාහාමි ඇත්තන්. වාචිකව හා ලිඛිතව කියා සිටි දුක් ගැනවිලිවලට පාලකයන් සවන් නොදීම නිසා මේ ගැටලූ ලෝක ආදිවාසී සමුළුවට ඉදිරිපත් කිරීමටය.

ඌරුවරිගේ අප්පුවාට හා තලාවරිගේ ගෝමරීට දාව හෙන්නේ කන්දේ ලෙනක උපන් ඌරුවරිගේ තිසාහාමි වැදි නායකයා වන විට වයස අවුරුදු 14කි. එදවස සුන්දරය.

මුළු වනපෙතෙහි උරුමක්කාරයන් වූයේ රැහේ අයයි. නිදහසේ වනපෙතේ සරන්නට, දඩයමක් කරගන්නට, ගල්තලාවක සැතපෙන්නට, මී වදයක් කඩා ගන්නට, පළතුරක් කඩාගන්නට, කාගේවත් බාධාවන් නොවීය.

1977 - මහවැලි ව්‍යාපාරය ආරම්භ විය. 1983 ජේ.ආර්. ජයවර්ධන රජය මේ සුවිසල් වන පෙත කොටුකර (අක්කර 145450ක) මාදුරුඔය අභය භූමිය පිහිටුවීමත් සමග දඹානේ ආදිවාසීන් බරපතල ලෙස සමාජ සංස්කෘතික හා ජීවන ගැටලූවලට මුහුණ දුන්හ.

රජයේ නිලධාරීන් පැමිණ විවිධ පොරොන්දු දී දඹානේ ආදිවාසී පරපුරේ ඇතැමෙක් රැගෙන ගොස් වෙනත් ජනාවාසවල පදිංචි කළහ. එහෙත් තිසාහාමි ගේ ස්ථාවරය වූයේ මරා දැමුවත් තම රාජධානියෙන් ඉවත් නොවන බවය. රැහේ පිරිසක්ද තම නායකයාගේ ස්ථාවරයේ සිටියහ.

වනයේ අයිිතිය අහිමි වීම නිසා රැුහේ අයට ඇතිවූ ගැටලූ ඉදිරිපත් කිරීමට දිනක් ජනාධිපති ජේ.ආර්. ජයවර්ධන හමුවීමට එවකට වැදිනායක තිසාහාමි, ජනාධිපති මැදුරට ගියේය. වත්මන් නායක ඌරුවරිගේ වන්නියලැ ඇත්තන්ද මේ ගමනට එක්විය.

ඒ කතාබහ වන්නියලැ ඇත්තන්ගේ වචනයෙන් කියන්නේ නම් මෙසේය.

”අප්පිල ඇත්තෝ කතා දැම්මා. මේ ඇත්තන්ට නිදහස් පොජ්ජ මන්දො කරන්න. මේ ඇත්තන්ගේ මිනිගජ්ජුන්ට නිදහස් පොජ්ජ රදන්න. ඉඩ පොජ්ජ ඇනව්කරන්න.

එතකොට ජනාධිපති හූරා කතා දැම්මා. තිසාහාමිල ඇත්තන්ට හිත්ලානවනම් කොළඹ, හෙරුගම් පොජ්ජෙන් ඉඩම් පොජ්ජක් ඇනව්කරන්නම්. ඒ ඇත්තන්ගේ කාර්යාල පොජ්ජට කොළ පොජ්ජ ඇනව්කරලා මේ වගේ රුකුල් පොජ්ජකුත් ඇනව් කරන්නම්.

එතැන තිබෙන්න ඕනෑ කැලෑ පොජ්ජ. බොට කඳාට, කළුමංචට ඉදින්න ඕනෑ කියාලා කතා දැම්මා.

අප්පිල ඇත්තෝ කතා දැම්මා තොපංගේ මාලිගා පොජ්ජට වැඩි තැනෙන් මේ ඇත්තන්ගේ ඉලූක් පැල් පොජ්ජ මේ ඇත්තන්ට හිත්ලානවා. වටිනාකම් පොජ්ජක් තිබෙනවා.

ඔය තැන ඇහුම් පොජ්ජ මන්දො කරන්න කොදෙයි මේ ඇත්තෝ මං ගැච්චුවෙ මේ ඇත්තන්ට තිබෙන ගැටළු පොජ්ජ ගැන කතා දමන්න.

ජේ.ආර්. ජනාධිපති මුණ ගැහිලා ඉල්ලීමක් කළා. ආදිවාසීන්ට නිදහසේ ජීවත්වෙන්න ඉඩදෙන්න කියලා.

එතකොට ජනාධිපතිතුමා කිව්වා තිසාහාමි ඇත්තන් කැමති නම් කොළඹින් ඉඩමක් දෙන්නම්. ජනාධිපති මන්දිරේ වගේ ගේකුත් හදලා දෙන්නම්. කැලේ අලියට වලහට තියලා කොළඹ එන්න කියලා.

එතකොට අප්පිල ඇත්තො කිව්වා, ඕක අහගන්න නොවෙයි මං මෙතැනට ආවේ. ඔබ දෙන මාලිගාවට වඩා මගේ ඉළුක් පැල්පත හොඳයි. මාලිගාවට වඩා ඉළුක් පැල්පත වටිනවා කියා. අප්පිල ඇත්තො ආපහු ආවා.

තිසාහාමි රැහේ ගෝත‍්‍රික මේ සටන එතනින් අවසන් කළේ නැහැ.

ඒ කාලේ දඹාන විද්‍යාලයේ සේවය කළ ගුරුවරයෙකුගේ මස්සිනා දඹානට පැමිණ සිටියේය.

”තිසාහාමි” ඔහු ගෙන්වාගෙන හැම තැනටම තමන්ගේ රැහේ අයට වූ අසාධාරණය සම්බන්ධයෙන් ලියවා ගත්තේය. ඒ ලියවිලි වගකිවයුතු අංශවලට යොමු කළේය. එහෙත් ප‍්‍රතිචාරයක් නම් නොවීය.

ස්වීඩන් රටේ ග්‍රෝති‍්‍රක පරපුරකින් එන ”විවේකා” මෙනෙවිය දඹානට ආවේ මේ කාලයේය.

ඇය වන්නියලෑ නැන්දම්මාගේ නිවසේ නතර වී රැහේ ජීවන රටාව අධ්‍යයනය කරමින් ඔවුන්ගේ ප‍්‍රශ්නවලට සවන් දුන්නාය.

”විවේකා” මේ තොරතුරු ලෝක ආදිවාසී සමුළු නියෝජිතයන්ට දැනුම් දුන්නාය. ඊට සහභාගි වීම සඳහා ශ්‍රී ලංකාවේ ආදිවාසී නියෝජිතයන්ට අවසර ලබාගත් ඇය මේ බව තිසාහාමිට දැනුම් දුන්නාය. ඒ වෙනකොට තිසාහාමිගේ වයස අවුරුදු සියයට ආසන්නව තිබුනේය. තම අබල දුබල තත්ත්වය නිසා වන්නියලෑ ඇත්තෝ වත්මන් නායක ඒ සඳහා නම් කෙරින. ඔහුගේ වයස ඒ වන විට අවුරුදු 44කි.

මේ සමුළුවට යාම සඳහා සූදානම් වුවද ජේ.ආර්. ආණ්ඩුව අවසන් මොහොතේ ඊට අවසර නුදුන්නේය.

විදේශ කාන්තාවක් මේ ගමන සංවිධානය කිරීම, භාෂා ගැටළු යනාදිය නිසා අධ්‍යයනය නොකර දින දෙක තුනක් තුළ මෙවැනි අවසරයක් ලබාදිය නොහැකි බව රජය දන්වා සිටියහ.

මේ ගමන සඳහා සූදානමින් දින 3ක් කොළඹ රැඳී සිටි වන්නියලෑ ඇත්තන්ට මේ තහනම ලැබුණේ ගුවන් ගතවීමට පෙරදිනය.

එම සමුළුව නියමිත පරිදි පැවැත්විණ. ශ්‍රී ලාංකේය ආදිවාසීන්ගේ නොපැමිණීම හා ඊට රජය අවසර නොදීම මෙම සමුළුවේ ප‍්‍රධාන මාතෘකාවක් විය.

සමුළුව ශ්‍රී ලංකා රජයෙන් මේ පිළිබඳව ප‍්‍රශ්න කළවිට, රජය කියා සිටියේ නියමිත පරිදි මේ ඉල්ලීම සිදුකළ හොත් ඉදිරි සමුළුවට සහභාගිවීම සඳහා අවසර ලබාදිය හැකි බවය.

ජේ.ආර්. ගේ ජනාධිපති ධූර කාලය අවසන්ව චන්ද්‍රිකා ජනාධිපති වූවාය. 1996 ”ස්විට්සර්ලන්තයේ” දී දෙවැනි සමුළුව පැවැත්විණ.

වන්නියලෑ ඇත්තෝ ඔහුගේ මස්සිනා සහ අයියාගේ පුතා ශ්‍රී ලාංකීය ආදිවාසි නියෝජනය සඳහා මෙම සමුළුවට නම් කෙරිණ.

විවේකාගේ මාර්ගෝපදේශකත්වය යටතේ මේ පිරිස ගුවන් මගින් ස්විට්සර්ලන්තයට ගියහ.

”මේ වැදි පිරිසට එය අමුතුම ලෝකයකි” නවාතැන් ලැබුණේ සුවිසල් හෝටලයකය.

”මිනිස්සු වෙනස්, ගෙවල් වෙනස්, කතාබහ වෙනස්, දේශගුණය වෙනස්, වෙලාවක රාත‍්‍රිය මහා දීර්ඝ එකක් යැයි වන්නියලැ ඇත්තන්ට සිතිණ. රැුයක් එළිවෙන්න දින දෙකක් ගතවෙනවා වාගේ දැනිණ. සමහර වෙලාවට වන්නියලැ ඇත්තන්ට ගෙදර සිහිවී ඇඬුනේය.

මේ වන්නියලැ ඇත්තන් ඒ තොරතුරු සිහිපත් කළ හැටිය.

ගෙදර මතක්වී මට ඇඬුනා.... අපේ භාෂාව කාටවත් තේරෙන්නේ නැහැ. අපි තනිවෙලා... හැබැයි හෝටල් සේවකයන් හරිම පියකරුයි.

ඒ ගොල්ලෝ හිනාඋනා. අපිත් හිනාඋනා. ඒ ගොල්ල අතින් කතාකරනවා. අපි ඔලූව වනලා ඔලූවෙන් කතා කරනවා. ගොලූවෝ වගේ. හැබැයි කොහොම හරි සන්නිවේදනය තේරුම් ගන්න පුළුවන් උනා. ඒ අය දුන් කෑම කන්න අමාරුයි. අපි අපේ කෑම පිළියෙළ කර ගත්තා.

හැමතිස්සේම හිතුවේ සමුළුව අමතන්නෙ කොහොමද කියලා. යැයි වන්නියලෑ ඇත්තෝ හැඟුම්බරව පැවසීය.

උපුටා ගැනීමක්..